Hay'ad fadhigeedu yahay dalka Jarmalka ee Friedrich Ebert Foundation oo ayaa guddoonsiisay abaalmarinta sanadka 2014 ee ay hay'adu ku bixiso arrimaha xuquuqda aadanaha Fartun Adan oo ah haweeney Soomaaliyeed oo u dooda xuquuq insaanka.

 

Fartun Aden oo madax ka ah ururka u dooda xuquuqda aadanaha ee Elman ayaa abaalmarintan ku heshay dadaal ay u gashay sidii haweenka Soomaaliyeed wax loogu qaban lahaa gaar ahaan haweenka dhibaatooyinka ay ka mid tahay kufsiga la kulma. Ururka u dooda xuquuqda ee Elman ayaa ka mid ah ururo faro ku tiris ah oo ka shaqeeya sidii loo dhowri lahaa xuquuqda aadanaha dalka Soomaaliya.

Fartun Aden ayaa waxa ururka ay guddoomiyaha ka tahay uu isku howlaa sidii wacyigelin loogu sameyn lahaa dhibaatooyinka ka dhasha mashaakilaadka qoysaska waxana ay furtay xarumo haweenka ay gargaar ka raadsan karaan sida lagu daabacay wargeyska caanka ah ee Deutsche Welle.

 

Waa markii ugu horeysay ee haweeney Soomaaliyeed la guddoonsiiyo abaalmarinta FEF waxaana munaasabadii lagu guddoonsiinayay abaalmarinta Fartun Aden goobjoog ka ahaa dadweyne faro badan. Guddoonsiinta abaalmarintan ayaa waxa ay ku soo beegmaysaa iyadoo 10ka bishan December caalamka oo dhan laga xusayo maalinta xuquuqda aadanaha.

contact@afkashacbka.com