Dhallinyarada Mudaharaadka dhigay ayaa waxay siteen boodhadh ay ku taageerayaan Suldaan Abubakar Wabar, kaasi oo ka fallaagoobay Somaliland isla-markaana Maleeshiyaad ku urursanaya buuralayda gobolka Awdal.

Dhallinyaradan ayaa boodhadhka ay siteen la dhex maray badhtamaha Magaalada Borama, iyaga oo ku qaylinayey weedho ay ku taageerayaan Suldaan Wabar "Ha noolaado Suldaan Wabar” ayaa ka mid ahaa weedhaha ay ku dhawaaqayeen Dhallinyaradaasi. Hasa-yeeshee ciidamada ammaanka oo markaasi ka dib ku soo dhex dhacay ayaa rasaas ku kala dareeriyey dhallinyaradaasi.

Lama oga ilaa hadda in dhallinyaradaasi qaarkood la xidhay iyo in kale, maadaama oo aan Maamulka Gobolka Awdal ka hadal dhacdadan oo la sheegayo inuu ku dhaawacmay hal qof oo uu jiidhay gaadhi ka cararayey dhagaxaan dhallinyaradu ku tuurayeen booliska.

Contact@afkashacabka.com