Garoowe(afka)Wafdi uu hogaaminayo Madaxweynaha Maamul Goboleedka somaliyeed Puntland Dr.Cabdiweli Maxamed Cali Gaas ayaa maanta u duulay dalka Ethopia, Iyagoo ku wajahan magaalada Adis Ababa.

Waxaa Garoonka diyaarada magaalada Garoowe wafdiga madaxweyna ku sagootiyey madaxwayne ku xigeenka Puntland Eng C/xakiin C/laahi Cumar Camay, Wasiiro, Xildhibaano, Saraakil katirsan Madaxtooyada Puntland iyo Shacabka magaalada Garoowe.

Wafdiga madaxweyna waxaa ku waheliyo wasiirka wasaarada warfaafinta Puntland C/wali Xirsi Cabdulle Indha Guran iyo saraakiil ka mida ah madaxtooyada Puntland, Wafdiga madaxweynaha ayaa casuumaad ka helay madaxda dalka Ethiopia oo xiriir wanaagsan ka dhaxeyo Puntland.

Madaxweyne C/wali Maxamed Cali Gaas oo saxaafada kula hadlay garoonka ayaa si kooban uga hadlay safarkiisa Ethiopia ‘’Maanta waxaan u dhoofayaa magaalada Adis-ababa ee Dalka Ethopia oo aan ku maqnaan doono muddo saddex maalmood ah oo aana u tagi doono howlo shaqo iyo weliba xoojinta xiriirka nagala dhaxeeye iyo weliba dhanka arrimaha amaanka’’Ayuu yiri Madaxweyne Gaas.

Garoowe/Office

cecontact@afkashacabka.com