HEADLINES:

Adduunka Oo Laga Daawadey Filim Khilaaf Ka Dhex Abuuray USA Iyo K. Kuuriya

0
Friday December 26, 2014 - 00:09:03 in by salman abdi
  • Visits: 760
  • (Rating 0.0/5 Stars) Total Votes: 0
  • 0 0
  • Share via Social Media

    Adduunka Oo Laga Daawadey Filim Khilaaf Ka Dhex Abuuray USA Iyo K. Kuuriya

    Shirkadda Sony Pictures ayaa bilawday qaybinta filim dood badan dhaliyey oo majaajilo ah, kaasi oo lagu magcaabo "The Interview". maalin uun ka dib markii ay ku dhawaaqeen illaa 200 oo tiyeetar inay baahinayaan filimkan maalinta Kirismaska,

    Share on Twitter Share on facebook Share on Digg Share on Stumbleupon Share on Delicious Share on Google Plus

Shirkadda Sony Pictures ayaa bilawday qaybinta filim dood badan dhaliyey oo majaajilo ah, kaasi oo lagu magcaabo "The Interview". maalin uun ka dib markii ay ku dhawaaqeen illaa 200 oo tiyeetar inay baahinayaan filimkan maalinta Kirismaska, waxaana habeen hore filimkaasi laga daawadey dalka Maraykanka.


 

 

Filimkan ayaa sidoo kale xilligan laga heli karaa meelo kala duwan oo ay ku jiraan baraha Internet-ka ee (Youtube, Google Play iyo Microsoft Xbox).

Shirkadda Sony ayaa sheegtay inay daruuri tahay in la sii daayo filimkan, gaar ahaan waxay tilmaameen inay arkaan kuwa soo weeraray ganacsigooda ee doonaya inay hor-istaagaan xoriyadda hadalka.

Shirkadda Sony ayaa baahinta filimkan dib u dhigtay toddobaadkii hore ka dib markii ay diideen tiyeetarrada Maraykanku, iyaga oo la kulmay hanjabaado kala duwan.

Filimkan Majaajilada ah ayaa ka hadlaya sheeko la xidhiidha laba weriye oo ay shaqaalaynayso hay’adda sirdoonka Maraykanku si ay u dilaan hoggaamiyaha Kuuriyada Woqooyi Kim Jong Un.


Kuuriyada Woqooyi ayaa cambaaraysay filimkan, sidoo kale koox aan la garanayn ayaa weerar ku soo qaaday computer-ada shirkadda Sony Pictures bilawgii bishan, iyaga oo ka xaday xog muhiima.

Dawladda Maraykanka ayaa ku eedeysay dalka Kuuriyada Woqooyi inuu soo qaaday weerar dhinaca internetka ah taas oo ay beenisay ama diidday xukuumadda Pyongyang.

Obama ayaa hore shirkadda SONY ugu canaantey joojinta baahinta filimkan, waxaanu shirkadda oo ka cabsatay hanjabaado loo soo jeediyay uu ugu baaqey inay baahiso filimkaasi. Isaga oo Madaxwaynaha Maraykanku uu markaasi ka dibna sheegay in dawladdiisu ka jawaabeyso weerarka dhanka Internet-ka ah ee lagu eedeeyay Kuuriyada waqooyi inay ku qaadey shirkadda SONYO. 



Contact@afkashacabka.com