Guud ahaanba baryahan danbe, waxaa ku sii badanaya Somaliland shirarka beelaha iyo magacaabista sulaadiin, cuqaasha, garaadyadaba hadaba waxaa dhab ah in qaabka dawladnimo aaney meelna kaga jirin,

 

suldaan, caaqil, garaadyo iyo odey beeloodyo, isla markaasna aaney ka muuqan qaab dhismeedka dawladnimo ( Governmental structure).

Waxaynu kaloo ognahay in wadanku soo marey mar xalado aad u adag oo ay ka mid ahaayeen, dagaalo ka dhex qarxay beelihii wadanka degnaa, isla markaasna laga dhaxley dhibaatooyin lama ilaabaan ah oo ay ka mid ahaayeen dil, dhac, boob iyo barakac, hadaba waxa lama dafiraan ah doorkii iyo kaalintii ay ka qaateen xalintii iyo dib u heshiisiintii beelaha iyagoo ku dabaqey dhaqaankii wanaagsanaa ee ku saleysnaa, in lawda fadhiisto, oo leysla qaato danta iyo maslaxada umada .

Shirwaynihii axdigii walaaleynta beelaha waaqooyi ka dhacey Berbera April 1991, waxa ku kulmay dhamaan beelaha dega Somaliland iyadoo leys hor fadhiistey laguna soo saarey in lays cafiyo lana ilaabo wixii dhacey ( forget and forgiveness), isla markaas lagu balamey in Burco leysugu tago laguna dhawaaqo dawlad loo dhan yahay oo la yidhaahdo Somaliland isla markaasna calan iyo dastuur gooniya leh,odayaashii sharafta iyo karaamada lahaa ee ka qaatay baal dahab dhismaha wadanka waxay nodeen guurti( house of alders), oo aynu ka dhiganey mar jac loo noqda marka uu khillaf dhaco.

Intaas weynu fahaney Ayaan umaleynayaa. suldaanka caaqilka, iyo garaadyadu waxa ay sameysmeen xiligii guumeystihii Ingriiska ( colonization period) si markaas Ingriiska ay uga wakiil noqdaan reerihii deganaa wadanka, madaama aaney jirin nidaam dawladnimo oo markaas dhisnaa, (law and order) taas oo aheyd nidaamkii maamul ee hore, ( Traditional rule), waxaynu halkaas ka garan karnaa inuu ahaa dib udhac ( backwardness).

Waxaynu ogsoonahay in qaab dhismeedka dawladnimo ee dalku uu ka koobyahan saddex dhadhaar oo ay ka mid yihiin, goolaha baarlabaanka, goolaha wasiirada ama fulinta iyo garsoorka (judiciary).

Maadaama aynaan ku hayn qaab dhismeedka, suldaan caaqil iyo garaad toona, waa maxay imika himaladoodu, ileyn ma joogna 1910, xiligii guumeystaha ee aynu bilaa dawlada aheyn

Mise ma odhan karnaa iyaga ayaa qasaya danta guud ee wadanka iyo Somaliland nimda, maadama ay saxaafada hortooda ay kaga hadlayaan dan qabiil (clan interest), taas oo saameyn xun ku yeelan karta degaanaasha dalka iyo kala danbeynta aynu ku soo nabad iyo caano maalney.

Waxaan ku soo gabagabeynayaa miyi ma joogna, magaaleynu joogna, waxaana aynu hiigsaneynaa horumar waara iyo in aynu ku abtirsano Somalilandnimo.

Qalinkii Amiin Cabdilaahi Yaasiin

Burco Somaliland