Kooxaha Juventus iyo Inter Milan ayaa kulan adag oo ay yeesheen ku kala baxay barbaro 1:1, waxaana labada gool u kala dhaliyay Carlos Tevez iyo Mauro Icardi. dhamaadkii ciyaartana waxaa Inter casaan laga siiyayMateo Kovačić.Juventus ayaa fursad fiican siisay Roma oo hadda hal dhibic oo kaliya ka danbaysa.

Kooxda Horyaalka Talyaaniga ee Serie A-da difaacanasya ee Juventus ayaa gurigeeda ku soo dhawaysay kooxda Roberto Mancini ee Inter Milan. Juventus ayaa doonaysay inay soo ceshato saddexdi dhibcood ee ay horyaalka ku hogaaminaysay kadib markii ay Roma oo ka sii hor ciyaarta ay la dhibco noqotay.

Juventus ayaana ciyaarta ku bilaabatay dardar fiican, taas oo keentay inay daqiiqadii 5 aad ee bilawgii ciyaartaba ay hogaanka ciyaarta la wareegaan. Carlos Tevez ayaana kooxdiisa hogaanka udhiibay kadib markii uu kubbad uu ka helay Arturo Vidal shabaqa inter ku hubsaday. Ciyaarta ayaana noqotay 1:0 ay kooxda martida loo ahaa ee Juventus hogaanka ku qabatay.

Juventus ayaana qaybtii hore ee ciyaarta ciyaar wanaag iyo natiiho ahaanba ku saraysay, waxaana qaybta hore lagu kala nastay 1:0 ay Juventus hogaanka ciyaarta ugu haysay.

Markii layskugu soo laabtay qaybtii danbe ee ciyaarta isla markaan ay wax yar socotay ayuu Mancini ciyaarta badal ku soo galiyay xidiga uu amaahda dhawaanta kula soo wareegay ee Lucas Podolski isaga oo ku soo badalayZdravko Kuzmanovic.Podolski ayaana kulankiisii ugu horeeyay eeSerie A da kooxdiisa Inter Milan u saftay.

Inter ayaana bilawday inay la soo baxdo qaab ciyaareed cusub, waxayna daqiiqadii 64 aad heshay fursada ay ciyaarta ku barbaraysay, waxaana gool aad u qurux badan ugu farayarystay xidigeeda Mauro Icardi, wuxuuna ciyaarta ka dhigay barbaro min hal gool ah. FredyGuarín ayaana si fiican uga soo shaqeeyay kubbad uu Icardi ku keenay goolka barbarbaraha Inter.

Daqiiqadii 86 aad iyada Inter abuuraysa fursado badan dhawr jeerna ku sigatay inay gool ku hormarto ayuuMateo Kovačić qalad xun ku galayLichtsteinier taas oo keentay in ciyaarta laga saaro. Ugu danbayn ciyaarta ayaa ku soo dhamaatay barbaro min hal gool ah. Inter Milan ayaana qaybtii danbe ee ciyaarta soo bandhigtay qaab ciyaareed fiican halka ay qaybtii hore Juventus fiicnayd.

contact@afkashacabla.com