Waftigan oo Uu Hogaaminayay Xildhibaan Mubarak yusuf Cilmi Bidhi Oo Si Weyn Ugala Qaybqaatay Soo dhaweynta ay usameeyeen Dadweynaha Reer Burco ayaa Waxa Caawa Sibalaadhan Loogu Soo Dhaweeyay Magaalada burco,

Waftiga oo ka koobnaan Xubno Kamida Xildhibaanada golaha deegaanka Shefeild ayaa caawa khudbado kala duwan u jeediyay dadweynihii ka qaybqaatay soo dhaweyntooda, waxaana ay aad ugu mahad celiyeen dadweynaha reer burco sida sharafta leh ee ay u soo dhaweeyeen waftigan caawa u timi, sidoo kalena waxay waftigu sigaara ugu mahadceliyeen xildhibaan Mubarak Bidhi oo ahaa masuulka kaliya ee caawa dadweynaha reer burco kala qaybqaatay soo dhaweynta waftigan reer shefeild,

Sikastaba Ha ahaatee waftigan oo maalinta beri ah ee sabtida ku sugnaan doona magaalada burco, ayaa kulamo la yeelan doona masuuliyiinta kala duwan ee gobolka iyo degmada iyo qaybaha bulshada burco, sidoo kalena waxay waftigu berito booqshooyin kala duwan ku soo samaynayaan meelo badan oo kamida Goobaha muhiimka ee ku yaala Burco, gaar ahaana Jaamacada Burco, Xaafada Shefeild , Madaarka Burco Iyo Waliba goobtii lagaga Dhawaaqay Jamhuuriyada Somaliland, oo ah astaan Muhiima oo kutaal Gobolka Togdheer,