Madaxtooyadda Somaliland Oo Markii Ugu Horeysay Ka Hadashay Mawqifkooda Dhulka Masalaha Hargaysa.
"Mucaaridka Waxa U Wanaagsan Inay Ka Tarjumaan Waaqaca Oo Ay Ka Run Sheegaan Xaqiiqada, Maadaama Oo Aan Xukuumadda Looga Baran Inay Dhagax Been Ah Meel Dhigto Waayo Dalka Kaligood Kuma Noola" Wasiirka Madaxtoyada
Xigasho: Somalilandtoday
Wasiirka Madaxtooyada Somaliland, Md. Xirsi Cali Xaji Xasan ayaa Waraysi dhinacyo badan taabanaya kaga hadlay, arrimo ay ka mid yihiin muranka dhul ee ka taagna deegaanka Masalaha ee koonfurta Magaalada Hargaysa, murankaasi oo u dhexeeya Guddida dadweynaha deegaanka iyo Ciidanka Qaranka oo xero ku lahaa halkaasi.
Wasiirka Madaxtooyada Somaliland oo Wareysi siiyey Wargeyska Somalilandtoday, ayaa isaga oo ugu horeyn ka jawaabaya halka uu marayo xalka lagu dhamaynayo muranka dhul ee deegaanka Masallaha Hargeysa, waxa uu yidhi "Marka hore waxaan aad uga xumahay khilaaf kaas oo warbaahinta gaadhay, waxaanan qabaa in haatan la fahmay in aan loo baahnayn khilaaf noocan oo kale ah. Marka hore waxaan si weyn ugu mahad naqayaa Guddida iyo shacbiga deegaankaas Madaarka diyaaradaha iyo Xaafadda Masalaha oo aan aad ugu ammaanayo kaalintii wax ku oolka ahayd ee ay ka qaateen hawshii dayrka loogu samaynayay (Madaarka Hargeysa), laguna xadaynayay dhulka uu ku fadhiyo Garoonka Diyaaraduhu, waxaanay sameeyeen arrin ku dayasho mudan oo loo baahan yahay inay bulshada reer Somaliland ee kalena kaga dayato. Ta kale waxaad ogtahay inuu sharcigeenu si cad u tilmaamay inay Xukuumaddu masuul ka tahay guud ahaan dhulka dalka, awoodna u leedahay qorshayntiisa, bixintiisa iyo tilmaamidda sida loo isticmaalayo, Madaxweynuhu yahay hoggaamiya Qaranka iyo masuulka ugu sareeya Xukuumadda. Sidaa awgeedna waxaan kuu sheegaya in Madaxweynuhu go’aan ka gaadhay oo uu tilmaamay inuu dhulkaasi dan guud yahay, waxaa laga yeelaayo iyo taladiisuna ay ka go’do hoggaanka dalka oo ah Madaxweynaha”
Madaxtooyadda Somaliland Oo Markii Ugu Horeysay Ka Hadashay Mawqifkooda Dhulka Masalaha Hargaysa.
"Mucaaridka Waxa U Wanaagsan Inay Ka Tarjumaan Waaqaca Oo Ay Ka Run Sheegaan Xaqiiqada, Maadaama Oo Aan Xukuumadda Looga Baran Inay Dhagax Been Ah Meel Dhigto Waayo Dalka Kaligood Kuma Noola" Wasiirka Madaxtoyada