Siday warar xogo-gaal ah ku heshayShabakadda wararka ee Afkashacabka.comGuddoomiyaha kooxdas iyo Fanaaniinta la socdaa waxay ka anbabaxeen Magaaladda Hargaysa ee Caasimadda Somaliland, waxayna hadda ku suganyihiin Magaaladda Muqdisho, uma dhama safarkan kooxda Xidigaha Geesku waxaana ka hadhay badi Fanaaniinta ugu caansan kooxdaas. Geesta kale wararku way intaas ku darayaan in muddooyinkii u danbeeyay uu kooxda u dhaxeeyay muran ku saabsan tagista Magaaladda Mudisho oo ay ku kala qayb sameen.

Muddo shan todobaad ka hor ah ayay ahayd markii uu casuumad rasmiya kooxdaas u soo diray Wasiirka arrimaha debadda dalkaasi Soomaaliya oo dhalasho ahaan ka soo jeeda waddanka Somaliland iyaduu qorshaha wasiirka dawladda Xasan Shiikh Maxamuud ahaa inay Muqdisho keenaan Fanaaniintaas, dalabka wagaas ayay ku gacan saydheen kooxda Xidigaha geesku iyagoo isu dhan, taas oo keentay inay marti qaad mahad-naq ah ku qaabisho Xukuumadda Somaliland, waxaana diidmadooda waaniyadeed ku hanbalyeeyay Wasiirka Wasaaradda Warfaafinta Cabdillaahi Maxamed Daahir (Cukuse) oo isagu martiqaadka mahad-naqa ah u matalaayay Xukuumadda. Lama oga ilaa hadda u jeedada safarkan cusub ee ay Guddoomiyihii iyo kooxdan la socotaa kaga hilaaceen Magaaladda Muqdisho.