Agaasimaha Guud Ee Wasaaradda Ciyaaraha Oo Furay Tartanka Koobka Ramadaanta Ee Garoonka Badhtamaha + Sawirro
Agaasimaha guud ee wasaaradda dhallinyarada iyo ciyaaraha Md. Maxamed Xuseen Axmed (Dhabeeye) oo uu weheliyo Agaasimaha guud ee wasaaradda duulista iyo hawadda Md. Cumar Cabdi Aadan (Cumar-Sayid) ayaa ka furay garoonka dooga mac-malka ah ee Badhtamaha tartan kubadda cagta ah oo bisha Ramadaan ah.
Agaasimaha guud ee wasaaradda dhallinyarada iyo ciyaaraha Somaliland Md. Maxamed Xuseen Dhabeeye ayaa aad ugu mahad-celiyay dhallinyarta soo qaban-qaabisay tartankan iyo weliba shirkadda Somaliland Horn Group, waxaana hadaladiisi ka mid ahaa "Maanta waxaan garoonkan quruxda leh ee doogga mac-malka ahi uu yaalo inooga furmi doona mid ka mid ah tartamada bisha Ramadaan loogu talo-galay, runtii ka wasaarad ahaan waanu soo dhawaynaynaa in garoomada ceynkan ah ee caasimadda ku yaala laga furo tartamo, maadaama garoomadani ay kaga duwan yihiin xagga nabad-galyada iyo weliba ciyaartoyda oo aanay soo gaadhayn dhaawacyada dirrida iyo camuuda. Shirkadda Somaliland Horn Group aad iyo aad ayaan ugu mahad-naqaynaa, dee dhismayaasha uun baanu ku naqaanay hadday dhanka ciyaarahana u soo jeestay waanu soo dhawaynaynaa ugana mahad-naqaynaa. Maamulka shirkadu waa kuwo ciyaaraha u heelan oo waxaaba qorshaha ugu jira inay koox heerka labaad ah samaystaan taasna waanu ku bogaadinaynaaā€¯ ayuu yidhi Agaasime Dhabeeye.Tartankan oo ay maal-gelisay shirkadda Somaliland Horn Group ayaa waxaa ku loolami doona 12-kooxood ayaa waxaa furitaankiisi ka soo qeyb-galay dadweyne aad u tiro badan iyo weliba kooxihii tartankan lagu furay. Ugu horeyn waxaa halkaasi ka hadlay guddoomiyaha kooxda kubadda cagta ee Duulista iyo Hawada Mr. Cumar Cabdi Aadan oo isagu qaban-qaabada iyo qabsoomida tartankan gacan ka gaystay, waxaana uu ka war-bixiyey tartankan iyo kooxaha ka qeyb-galay iyo sidoo kale in bisha Ramadaan dadka soomani ay u soo daawasho tagaan isagoo sidoo kale uga mahad-celiyay shirkadda Somaliland Horn Group qabsoomida tartankan.
Ugu dambeyntii waxaa isaguna halkaasi ka hadlay Agaasimaha Duulista iyo Hawadda Md. Cumar Cabdi Aadan (Cumar-Sayid) "Waxaanu ka faraxsanahay inaanu ka soo qeyb-galno furitaanka tartankan anigoo aad iyo aad ugu mahad-naqaya shirkadda Somaliland Horn Group oo aanu wada shaqayn leenahay, waa wax wanaagsan in ciyaaraha iyo dhallinyaradana la dhiiri-geliyo ka wasaarad ahaana annaga dhanka ciyaaraha iyo dhallinyarada wasaarada ciyaaraha uun baa nagaga horeysaa. Shirkada Somaliland Horn Group-na waxaan leeyahay waad dedaasheen ee halkaas ka sii wada dedaalkiinaā€¯ ayuu yidhi Agaasime Cumar-Sayid.
Tartankan oo ay daawashadiisa ka soo qeyb-galeen dadweyne tiro badan ayaa kulankii furitaanka w
Waxaa wada ciyaaray kooxaha Aragsan iyo Damal, waxaana 4-6 ay guushu ku raacday kooxdii ku ciyaaraysay Aragsan.
Agaasimaha Guud Ee Wasaaradda Ciyaaraha Oo Furay Tartanka Koobka Ramadaanta Ee Garoonka Badhtamaha + Sawirro
Waxaa wada ciyaaray kooxaha Aragsan iyo Damal, waxaana 4-6 ay guushu ku raacday kooxdii ku ciyaaraysay Aragsan.