Hargeysa (AFKA) -Wasiirkii hore ee arimaha gudaha Xukuumadda Madaxweyen Siilaanyo, haatana ka mid ah Hogaanka Xisbiga Mucaaradka ah ee WADDANI, Md. Maxamed Nuur Caraale Duur,ayaa markii ugu horaysay ka hadlay Xubno ka tirsan Saraakisha Xisbiga oo shalay shaaciyay inay Xilkii iyo xubinimaddii Xisbigaba iska casileen.

Mr. Duur waxa uu sheegay in raggaas is-casilay aya ahaayeen shaqsiyaad karaamo iyo Ixtiraam ku dhex-lahaa Xisbiga,hadda oo ay Xisbiga dabadda ka joogaana ay Xushmad iyo qadarin ka mudan yihiin,isla markaana aanay haboonayn in hadalo deel-qaaf ah lagu yidhaahdo.

waxaa uu sidaas ku sheegay qoraal kooban oo uu ku baahiyay bartiisa xidhiidhka Bulshadda Facebook-ga,waxaana uu u dhignaa sida tan:

”Weedh ku saabsan Xubnaha iska casilay xilkii iyo xubinimadii xisbiga wadani :
Waxaa dhaqanka siyaasadu noqday inta la wada socdo in lays amaano marka la kala baydhona lays caayo ama leys aflagaadeeyo , hadaba waxaan halkan ku cadaynayaa in taasi tahay caado xun , Xubnaha ka tegay xisbigana ay ahaayeen rag sharaf iyo karrramo lahaa welina leh sharaftii ay shalay lahaayen mana geyaan xumaan rayigoodana waa u xor .Doonta xisbiga WADANI waa mid socota soconaysa. Sababta is casilkooda waa is waydiin doona Waxa keenay” .ayuu hadalkiisa kusoo xidhay Mr. Duur.