MAANSADA DOON-DOON W/C: MARYMA XURMO
Damiir noolow istaag
Istaag dadnimooy is taag
Qalbiga debcayoow istaag
Istaag dadkaygiiyoow istaag
Intii dihineey istaag
Aqoon diraneey istaag
Wadani daacadoow istaag
Wadaad daaciyoow istaag
Idaa doqonoow i daa
Dayuus akhasoow i daa
Ma diirnaxahoow i daa
Siyaasi dufloow i daa
Dalkiisa cunoow i daa
Dadkiisa qashoow i daa
Dameer la rartoow i daa
Nin doolar rartoow i daa
Ku mee daayinoow ku mee
Rabiga dooroow ku mee
Diinataydii eey ku mee
Sunuhii digahoow ku mee (rasuulka cswm)
Dariiq saxanoow ku mee
Aqoon durugtaay ku mee
Ninkaan dirtayoow ku mee
Kaan duubka sudhoow ku mee
Xanaaq degelkoow xanaaq
Xanaaq dekedaaay xanaaq
Badaydiiyeey xanaaq
Xanaaq danyartaay xanaaq
Xanaaq da,a yartaay xanaaq
Xanaaq dumarkoow xanaaq
Xanaaq duur-joogtay xanaaq
Xanaaq daacadaay xanaaq
Xaanaaq derbigaw xanaaq
Bax waar bax dilaalahoow
Bax waar doqon daadufoow
Bax waar ma daneeyahoow
Bax waar danyar ceejiyoow
Bax waar dalka iibsadoow
Bax waar kaan diidayoow
Rabiga dooroow imaw
Imaw deeqeey imaw
Qalbiga debcayoow imaw
Imaw diineey imaw
Imaw dadnimooy imaw
Abaarta bal day arliga
Duunyada bal u fiirso madhan
Bal daya danyartaa jilcoon
Bal daya inta aan dab shidan
Bal daya inta bacadka dedan
Bal daya inta daadufkaa
Bal daya macadanteenan dihin
Bal daya dalkan xaalufkaa
Bal daya dunjigeena Lumay
Rabaw ragan duubka xidhan
Durbaanka ragaa la sudhay
Ragaa cadaw kala dufsaday
Dadkayga kuwaa dumiyay
Kuwaa Gawskooda degay
Ayaan darnalaawayaal
Dar khayr qaba noogu door
Dastuur sharci iyo sinaan
Diin iyo dhaqan iyo samaan
Jacayl iyo deris xushmayn
Doorkii hore saan ahayn
Raboow debec noogu beeg
Raboow waxaan doonayaa
Wanaag baan doonayaa
Dal jira baan doonayaa
Diintoo la dugaashadiyo
Dadkoo mida baan rabaa
Raboow waxaan doonayaa
Awood baan doonayaa
Masuul daacadan rabaa
Raboow waxaan doonayaa
Dariiq wacan baan rabaa
Rabaw waxaan ahay dulmane
Dadkaan eray geysan Karin
Ayaan damaqooda iyo
Raboow dooda u galaa
Rabaw waxaan ahay daciif
Awooda adaa u diran
Adaa dunidani xukuma
Adaa sida doora garan
Raboow daayinoow na sii
Dal aan gaal loo dulayn
Dad aan is dubaaqinayan
Masuul aan daan ku socon
Wadaad aan dayn wacdiga
Raboow waan daalanee
Adigu noo door saxdiyo
Halkaan Denbi noogu jirin
MAANSADA DOON-DOON W/C: MARYMA XURMO
MAANSADA DOON-DOON Taarikhda La Curiyey 12-2-2017 Save Berbera