Jamaahiirta Reer Argentine oo Bilowday Mudaharaado Rabshado Wata Kadib Guuldarradii ka soo Gaadhay Xulkooda Koobka Addunka
Argentina ayaa 1:0 ku wayday koobkii aduunka ee ay u dagaalamaysay taas oo caasimada dalka Argentina ee Buenos Aires ka dhalisay rabshado xoogan.
Taagerayaasha ayaa iskugu soo ururay badhtamaha caasimada Buenos Aires kadib markii ay daawadeen guuldaradii xulkooda Argentina soo gaadhay. Markii hore jawigu wuxuu ahaa mid fiican oo dagan oo ay ku dheehantahay dabaal dag inkasta oo kooxdoodii laga badiyay laakiin waxay arintu gacmaha ka baxday markii ay jamahiirta qaar bilaabeen inay dhagxaan ku tuuraan bilayska magalaada.
Saxaafada gudaha ee Argentina ayaa soo sawirtay rabshadahan iyo waliba iyadoo goobaha qaarkood la bililiqaysanayo waxayna dhibaato badani ka soo gaadhay dadka ganacsiga ku leh goobaha ay rabshadu ka dhacday.
Ilaa 60 qof ayaa la sheegayaa in boolisku soo xidh xidheen halka ugu yaraan 15 booliska ka tirsan dhaawacyo loo gaystay. kooxda Argentina ayaa la rajaynayaa in sifiican loo soo dhawn doono marka ay goor danbe oo maanta ah soo gaadhaan kadib markii ay meel fiican ka gaadheen koobka aduunka.
Jamaahiirta Reer Argentine oo Bilowday Mudaharaado Rabshado Wata Kadib Guuldarradii ka soo Gaadhay Xulkooda Koobka Addunka
Jamaahiirta Argentina ayaa Bilaabay Rabshado bilawday Kadib Guuldaradii Xulkooda Soogaadhay finalka koobka aduunka.