NASIIB XUMIYAA MAXAA SOOMAALI IGA DHIGAY WQ: BASHIIR RAACDEEYE
Nasiib xumiyaa maxaa soomaali iga dhigay!?
waxaan
dhashay waa barwaaqo ah.abaar ah iyo omos ,haraad iyo gaajo ,biyo la’aani iyo Baad xumo midna
aanay dhulka ka jirin.waa xilli dayr ah dalku degen yahay.
waxaan ku dhashay dhulka dadka afka soomaliga ku hadla.waxaan
ku abtirsadaa dadka afka soomaliga ku
hadla.waxaan ku hanaqaaday dhulka dadka
afka soomaliga ku hadla.waxaan wax ku bartay dhulka soomalida.
Waxaan u
dhashay umad geesigooda gawraca.waxaan u dhashay umadda halyaygooda hankiisa la
wiiqa oo bahdila.waxaan u dhashay umad kooda aqoonta leh iyo kooda siyaasiga ah
maskaxda laga gumaysto.waxaan u dhashay umad aan ilbaxayn.waxaan u dhashay umad
aan tasho aqoonin ee loo tali.waxaan u dhashay umadd isugu faanta aniga kaa "isir iyo reer wacan”.waxaan u dhashay oo
aan ku abtirsadaa umad dhiigooda u daadisa " buqcad dhula 2cm ah”.
waxaan u
dhashay umadd hal-doorkeead aan
qiimihiisa iyo xaqiisa siin inta uu nool yahay maalinta u xijaabtana afarta ay
ilma-adeerka yihiin buunbuuniyaan una
baroortaan inta kalena xaqisii iyo dadaalkiisi ay duudsiiyaan halkii uu ka
mudnaa in "taallo loo dhiso”.
waxaan u
dhashay umad aan tabcan.waxaan u dhashay umad ma shaqaystayaal ah.waxaan u
dhashay umad aan irbad samaysan Karin
.waxaan u dhashay umad hugooda iyo hoygooda,clafkooda
iyo cuntadooda loo soo iibgeeyo oo
aan geed bariisa beeran Karin.
waxaan
u dhashay umad sooyaalkoodu baylah
yahay.waxaan u dhashay umad taariikhdooda iyo mahadhooyinkoodu ay goobkasta ku
dayacan yihiin.waxan u dhashay umad kooda baylahdooda dayaca karawa uu daacuf yahay.waxaan u dhashay umad odoyga
aqoonta lagu tuhmo ama waayo aragtinimada uu la mid yahay qaamuus maktabad yaallay
oo dhintay iyadaan xaraf laga faa’iidiin!. waxaan u dhashay umad nin ka dhasho laakiin ninka ka dhasha iyagu dulleeya.
Waxaan u
dhashay umad dhulkoodii la bililiqaysano oo caawinaya kii boobayay.waxaan u dhashay umad dheemankoodii iyagu hadyad
u bixinaya.waxaan u dhashay umad dhulkooda dillaalliin ka ah.waxaan u dhashay
umad khayraadkoodi tartan loogu jiro iyaguna xoolaha caleenta la cuna.
Waxaan u
dhashay umad dhulkoodu dihin yahay iyaguna ka jaajoonaya.
Waxaan u
dhashay umadd dhulkoodii barwaaqaysan yahay oo ka aradan.waxaan u dhashay umad
dhulkoodi khayrkood cunayo iyagana garawga looga soo dawariyo kiniisadaha
yurub.waxaan u dhashay umad ciddoodu nooshay oo baradhada iyo basasha dalka debediisa looga keeno.
Waxaan u
dhashay umad aan guri dhisan Karin.waxaan u dhashay umad wakhtigoodi hadal ku
dilay.waxaan u dhashay umad fadhiid
ah.waxaan u dhashay umad aan kab samaysan Karin.waxaan u dhashay umad kooda wax
cusub daahfura gumeeya.aflagaadeeya,cunfiya,caaya halkii ay dhiirigelin
lahaayeen.waxaan u dhashay umad aan is dhaamin haddana midba midka kale iskala weyn yahay.waxaan u dhashay
umad khayrkeed ka hadhay.
waxaan u
dhashay umad wada siyaasi ah.waxaan u dhashay umad kooda ugu xumi u
taliyo.waxaan u dhashay umad hugaamiyahooda
ku soo xulata ;inta qof ee u dilay,inta u xaday,inta uu boobay iyo inta musuqay.
Waxaan u
dhashay umad wada aqoon yahan ah haddana inta magacooda qorikarta ay tahay
faraku tiris.
Waxaan u
dhashay umad ka jaahilka ahi u taliyo ka
aqoonta leh.waxaan u dhashay umad wada xil haysa.waxaan u dhashay umad wada darajooyin iyo xidigo garbaha ku sitata jaahil iyo caalim ku u doono ha
noqdee.
Waxaan u
dhashay umad dhulkoodi ka qaxaysa.waxaan u dhashay umad waddankoodi
nacday.waxaan u dhashay umad qalbiga ka
wada dhoofgsan.waxaan u dhashay umad aaminsan inuu irsiqu yaallo dalka debedisa.waxaan u dhashay umad
waddankooda qaxoonti ku ah.waxaan u
dhashay umad iyagu waddankoodi boobaya.
waxaan u
dhashay umad ninka ragga ahi ku dayacan yahay.waxaan u dhashay umad
hal-abuurkeedu ku dhexdayacan yihiin.waxsaan u dhashay umad halgamaageeda
gawracda.waxaan u dhashay umad keeda fiican dulaysa.waxaan u dhashay umad hablihii xural-caynta ahaa ay ku
dhex dayacn yihiin!.
maxaa geesi
iyo halgaama,hal-abuur iyo hugaamiyo wacan ka soo baxay umaddayda oo isagoo cil
qaba xijabtay?.alla !!.nasiib xumiyaa maxaa soomaali iga dhigay!!?.
Qore; bashiir raacdeeye
Burco.somaliland-9/2014
NASIIB XUMIYAA MAXAA SOOMAALI IGA DHIGAY WQ: BASHIIR RAACDEEYE
Wa Qormo aan ugu Talo Galay inaan ka dhigo Dood Furan oo Dhalinyaradu ka so qaybqaadan karto isla markaasna aynu kaga doodi karno Dulucda ay xambaarsantahay Qormadani