Waxaa beryahan danbe shacbiga dhego barjeeyay niyad jab iyo werwer ku beeray quluubta muwaadiniinta.

hadalo deel qaaf ah iyo dira dire ah oo lagu hurinayo dagaal sokeeye oo dalkeena si fudud uga qarxa,hadaladan oon ku wacnayn inay ka soo baxaan af qof islaam ah,aan ku munaasib ahayn af qof aqoon iyo garasho ilaahay geliyay,hadaladan oon ku haboonayn inay ka soo baxaan af siyaasi ah oo lexa jeclo ka raba dalkan iyo dadkan,hadaladan waxay xili kasta ka soo burqadaan afafka madaxda sare ee xisbiyada mucaaridka badan kooda,welib waxay hadaladani hal ku dheg iyo maahmaah ka dhigtay rag u sharaxan maskabada ugu sareeya dalkan,kuwasoo markasta la soo taagan medea xaflada iyo aroosyada cayda iyo aflagaadada beelaha qaar kood,kuwasoo laga dhigtay dhufays loogu soo gabado siyaasada raad baradka ah ee mucaaridka.

Waxaa iyaguna siyaasiyiintan cadawada iyo nasabad caygaa la qaba oo gacan buuxda goor walba ka siiya iyagoo meel kasta la taagan,odoyaalka golaha sharci darada la baxay kwaasoo media caalamka la hor tagaan hadlo munaafaqad iyo dhiig sokeeyo data lagu baadi goobayo,rag oo markii hore qadarin iyo karaamo ku dhex lahaa bulshada ay hada maraya maqaam laysku habaaro ama lagu tilmaansado qofka munaafaqa ah,kuwaasoo waxa aanay iyagu ogaon ama markaas aan loo diran cid kastoo kale oon isaga ahayni haday wax qabto waxbay ka sheegaan iyagoo dhaliilo iyo dhaleecayn hedadaw ah ku duraya shakhsi mudnaan badan leh,waxay hada bulshadu tidhaa;[anagaa aqoon moodnaye shaw waa agnaan waxu ],waxaana taas gayaysiisay in sidaas lagu qiimeyo,ilaahay baan idinku dhaarshaye qof islaam ah oo iimaan iyo caqli ilaahay siiyay oo ogaa waxay umadani soo martay,halkii miyuu odhan lahaa dib ugu noqda,ha iskabato mooyee oo ha kazoo kabteen dayacii iyo silicii soo daashaday mooye,qof lexejeclo ka lahi inooma quudheen qax iyo dhiig ,isku gumeeya gacantiina gacalka kula muu taliyen.

Hadaladani waxay turunturo siyaasadeed ku noqdee,dhaawacna ugaysteen aragtidii iyo hankii caalamku u qabay s/land,kuwaasoo shaki iyo waswaas ku riday cid kasta [dal kasta]oo danaynayay wax la qabsigeena,ama u bogay oo kuso dhiiraday xawaaraha horuumar ee dadkeena iyo dalkeenu ku talaabsadeen,hadaladani waxay hakad geliyeen nidaamki ganacsi iyo maal gashigi ee dalkan lagu horumarin lahaa.

Hadaladan oo ka mid ah tabaha iyo dabinada uu cadawgeenu ku shirqoolayo n/gelyada dalkeena iyo dadkeena gaadheen,isagoo cudud iyo calaf kaga helaya shirkado waaweyn oo dunida ah,siba maraykan iyo yurub kuwaaso oo sheeganaya inay iyagu iska leeyihiin khayraadka dhex ceegaaga gobolada sool iyo sanaag ee dhulkeena iyo xeebta kismaayo ee somaliya oo ay hore u maal gashadeen,waxayna ku doodayaan in taliskii siyaad bare heshiis kula galay hanti badana kaga qaatay,hadana ay maalaayin doolar geliyen dib u heshiisintii iyo dhisida dawlad magac ahaan somaaliya khayraadkeeda bad,hawo iyo berigaba lagu booboo,xitaa lacagtii bananka aduunka taalay ee inaga dhaxaysay hadaa la qaadan rabaa,waxaan ku shuraako ah oo la wada ogyahay m/wayneha hada xasan sh.iyo kenbeni maraykan ah,dawladahan oo ku talagalkoodu ahaa dhisid dawlad cirka ku nool oo xilkeedu yahay ansixinta danahooda gaarka u ah,iyadoo loo fududaynayo wixii ay muraad leeyehiin maraykan iyo yurub,waxaana kow ka ah oo madaxdan somaalida reer koonfureed laga wada saxeexay xoolo malaayin doolar ahnaa lagu kala gudoomay loona fududeeyay dhamaan muraadadooda shakhsinimo iyo xidhiidhkoda caalamka si ay ula macaamiloodan hadba cida ay u baahdaan,waxaana heshiiskaa kow ka ah in shirkadahan la gudoonsiiyo sadex gobol ee ugu khayraadka badan Somali wayn oo kala ah sanaaag iyo sool oo s/land ka tirsan hada iyo xeebta bada ee kismaayo somaaliy ahaan jirtay, dhulkan oo dhaqaale aad u badan lagaga cunay kenbeniyadan horayso iyo dan bayso maal gashi xooga yar ahna ay kaga tageen tasoo ahayd raad anaga leh,fulinta shuridihii koowaad ee madaxdii somalida fulisay waa wareejinta xeebta bada ee konfurta kismaayo waxayna ku guulaysteen inay si sibiq ah xeebtaas oo xaga biyaha bada ah oo markii hore ay lahayd soomali wayntii geeriyootay,ayay gacanta u geliyaan shirkado maraykan iyo yurub ah kuwwas oo u muqadin u tahay shirkada canoco, iyagoo xalaalaynta xeebtaas marinaya nidaam maxlal ahaan loogu sharci gareeyo in xeebtaasi ka mid tahay xeebaha dawlada kiiniya,hadaba si loo qancinayo shicibka reer koonfureed ee xeebahooda la gadayo,waxaa ansixinta sharcigan qaraar dulmi ah ka soo saaray Maxkamada Aduunka taasoo kolki horeba loo samaystay ansixinta waxay maraykanka iyo yurub rabaan waxaana sidan loo yeelaya shuruucda soomaliya hada u taalay ma ogola in dhul soomaliya ah laga iibsho shirkado,ganacsato iyo dawlado ajanebi ah mana mulkiyi karaan,lakiin sharciga kiiniya ku dhaqanto ayaa waxuu ogol yahay in shirkada iyo ganacsatada yurub ahi inay iibsan karaan oo mulkiyi karaan dhul kiiniyan leeyahay oo kiiniya ku yaala,waxaynu wada ogoyn in soomali wayn ay u sheeganaysay kiiniya gobolo soomalidu leedahay oo gumaystii ingiruusku gacanta u geliyeen kiiniyaanka waana gobolada somalidu degto ee Gaarisa iyo Wajeer ee dhulka la odhan jiray NFD ahaa,goormay kiiniya dhul iyo bado inagu yeelatay,sidaas oo kale ayay dhulkeenana lala damac san yahay inagoo soo taagan baa la rabaa in laynagu dul iibsado oo laynagu wareejiyo shirkado ina mulkiya sidii Falastiin loo mulkiyay oo kale,iyadoon waxba laynaga waydiinayn waxaa dhulkaas somaliyeed fududeeyay iibkan iyo kala gudoonkiisa oo ah dhawaan markay maxkamadu jaajmankeeda rido meesha bad ah oo aan cidi ku noolayan,inagoo saaran ayuu cali galaydh mashruuc ku soo qaatay inuu inagu wareejiyo ama ina gudoonsiiyo shirkadahaas si uu dhamays tiro heshiisku soo galay.

waxaase ilaahay mahadi ah sidaa xeebta kismaaya hawl yarida loo wareegay,inagu ma noqon sidaas oo kale ee qaranimada S/land ayaa cadwgii inaga difaacday waana sababta mar kasta keentay so noqnoqoshada cali khaliif galaydh oo ka mid ah raga dhulkeena iibsaday,ninkii dayn cunay beluu ka dibiray odayga lacagtii baa loo haystaa waxayna shirkadaa gaaladu kuy leeyihiin ama dhulkii nagu soo wareeji ama soo dhimo sidaas darteed ayanu cali dal iyo dad midna dan uga lahayn waxii dhimanayan waxba isaga kama gelin waayo dabadaa la haystaa,sababta keentay in maraykanka iyo UNta markasta inagana laynoogu hanjebaamcalina loo taageerayaa cadaan bi cadaan,watay hore ugu amreen xukuumada s/land inay kala baxdo ciidamadiida gobolada sanaag iyo sool,marna waa kuwa leh Saax dheer kala baxa ciidamadiina s/land,si cali khaliif ugu soo noqdo,hadana waa laga wada war qabaa in m/waynii budhcad berigu Xasan Shiikh uu Muqdisho ka soo diray ciidamo hawiye iyo gurum garam kaloo oo wata gaadiid badan oo tigniko ah,kuwasoo loo so diray gacan siinta cali galaydh ma kuu cadahay golosow.socda kuwaasoo loo soo diray qabsashada gobolada Sool iyo Sanaag si laynoogu wareejo gacanta shirkada ciidankaasina difaaco danahooda,kuwaasoo wata tigniko gacana siinaya Cali Khaliif Galaydh oo isagu ku fashilmay riyadii sax dher,laakiin xasan iyo galaydhow waxaan idin sheegayaa [lacag baad barateen lakiin rag ma taqaanin waase laydi baridoona insha allahu] , geelow geed walba daaqdaye maalintaad ciin daaqday baa lagu yaaba,

Waxaan Cali Galaydh gaar ugu leeyahay [waxaa qofka islaamka ahi ku ducaystaa yaa alla bi xusnal khaatima,adiguse waxaad ku ducaysatay yaa alla bil Khaatumo seeg]insha alla waadna heli.

Waxaan kaloo halkan hanbalyo iyo baraarujin uga dirayaa shicibka reer soomaliland oon leeyahay waa laynagu soo duulay aan diyaar garawno,difaacista ciideena hooyo sharafka iyo karaamadeena qaranimo waa muqadas,waxaan kaloo ka codsanayaa hablahii reer s/land ee taakulayn jiray ciidamadeena qaran xiliga ay ku jiraan difaacista qaranimadeena waxa fiican in laga war hayo lana garab taagan yahay ciidamadeena jiida hore si aynu u kasbano kalsoonidood ,waxaan ka codsanaynaa ganacsatada iyo qurba joogt inay iyaguna sidaaso kale isugu xil saaraan taageerada iyo gunaynta ciidankeena qaran ee jiidaha hore,sidii ay dhiiri gelin ugu noqoto iyo kalgacal ka dhex abuurma ciidankeena iyo shicibka,sidoo kale mujaahidiintii ururkii S.N.M oo iyagu ahaa kuwii keenay xoriyada aynu ku naaloonayno, iyagaana dhisay dawlad nimadeen halyayadan waa kuwii ka dhiidhiyay inagana tuuray heeryadii taliskii umulo dooxa ahaa,maantana raggii baa ina soo quud dareeye mujaahid diyaar garow baanu ku leenahay,manta dagaal adag oo laysu soo habar wacday baa inagu soo wajahan,sidaas darteed waa in xukuumadanu ka diyaar garawdaa waxla yidhi [intaad fogtahay baa la faytaa] kana feejignaata isku day kasta waa in aynu heegan buuxa u wada gala difaacideena qaranimo,waxaana la soo don bililiqaysi khayraadka iyo hantigeena [waxaad waliftaan wed kaa helin ka waantoobay waa war loo noqon],sidaas darteed waa in aynu u walaalowna oo inagoo gacma ishaysana wajahnaa cadawgeena iyo canaasiirtiisa guda iyo debedba,waxaana mushruucan laga filayaa inuu suurto geliya sadexdan midkood oo kala ah sidatan;

1-In beelaha s/land layska hor keeno,iyadoo loo adeegsanayo hab kasta oo suuro gelin kara dagaal sokeeye oo s/land ka qarxa.

2-In shacabka la nacsiiyo qaranimadooda,iyadoo loogu sharaxayo dawlad nimadoodu inay tahay beel beelo gumaysanaysa sidaa darteed waa in bulshada dhexdeeda taageero xoogan looga hela inay ka soo hor jeestaan qaranimadooda,waxaad mooda taas in cadawgeenu guul badan ka gaadhay hada iyo hadhowba hadii loo baahdo,sababtoo ah hada waxaa cudurkaa lagu talaalay bulsho aad u badan oo qabta inaan qaran jirine dawlad habar jecl ahi dalkan xoog ku haysato,taasina waa dhabarjab iyo nasiib xumo asqaysay bulshadeena. in aduunyadu tidhaahdo reer s/land cod haloo kala qaado rabitaankooda waxaan talaabadani maraysaa meel lagu taamilo qaadan karo,[dawladii habar jeclo] tolow ma ta saadanbe iman doonta tii qaranka noqonay say; eesh qiyaask., waxaana fidinta iyo ku ficil qaadasho cudurkan loogu beerayo qaybo ka ah ; qaybo badan oo maatooyinka qaybo ka mid ah makasta,qaybo ka mid ah dadka dhuuni raaca ah,qaybo oo iyagu nidaam shaqo ka dhigtay,qaybo ka mid ah dadka waalwaalan iyo qaybo bulshada ka mid ah dadka waalifay xumaa oon garanayn samaha iyo wanaaga., dhamaan qaybahan xanbarsan jeermiska qabyaalada ee lagu manja xaabinayo qaranimadeena,ayaa loo bahan yahay in wax loo sheego.

3-In shacabka loo olooso mudaharaado iyo gadood beelaysan si laysaga hor keeno shicibka iyo dawlada sidii gebilay ka dhacday dhowaan,mashruucan dhawr tijaabo oo cadawgeenu inagu sameeyay guulo fiican buu ka gaadhay.khasaarii iyo geeridiina isla shicibkeenu walaalaha ah buu gees walba ka saameeyay.

Waxaa mashruucan inagu cusub dhaqangelintiisa iyo fulintiisa loo igmaday ragan aan kor ku soo sheegnay,anigu sida raggani qabo ma qabo,ma qabo in qabiil noqon karo dawlad,balse waxaan qabaa qaran baa dawlad noqon kara,waana shay xaraan ah in dawladnimada lagu nisbayno qabiil,sida ay leeyihiin dawladani waa tii habar jeclada,tii ka horaysayna waa tii Samaroonka,tii ka sii horaysayna waa tii Awalka tii ka sii horaysayna waa Garxajiska,tan iman doontana waa in ayo,reer reero haysta ma jiro,beel beelo gumaysataana ma jirto,nin kastoo u bogay hadalkan waxan ku odhan lahaa taasi inama anfacdo in xukuumadeena iyo qaranimadeena qabiil la marmariyo ama dhufays looga dhigto beel an jirin, xukuumadaha s/land dhamaantood waxay ku yimaadeen sifo doorasho m,arkaas laysla ogolaa oo xalaal ah,mulateri iyo inqilaabna dalka kamuu dhicin bal ninka wax isku hayow iskadaa beela cayga iyo aflaagada bal car tartan.

Qaranimada s/land waxay ka bilaabantay dib u heshiisintii beelaha reer s/land,ilaaahay baa mahad iska leh,waana go,aan ay qaadateen shacabka S/land,beel waliba ama qof waliba oo reer s/land ahi xaq bay u leeyahay inay wax doortaan iyo in la doorto,anigu waxaan qabaa qofka hadalo noocan oo kale la yimaada inuu la mid yahay cadawga qaranimadeena neceb oo kale, sidaas darteed mahaboona in lagu xad gudbo axdigeena qaran,cidii ficilkaa ku kacdana waa denbiile qaran ha laga qaado talaabo sharciga waafaqsan.

Raggan laacdan baradka siyaasadeed ah oo ay ka xumaatay xodxodashadii kaanbaynka doorashada,ragan uu ka hoosya haasawii bulshada qabyaalada u bedelay,ragan ooku hadaaqaya hadalo garaadka fiyoobi aanu awoodi Karin odhashadooda oo nuxurkoodu yahay sidatan;dalka habar jecla boobtay,dadka habar jecla dhacday,hayooy waaynagu soo qaxeen,dhulkayagii ayay naga haysataa h/jeclo, guryaha yaan laga iibin,way ina dulmiyayaane ha lala dagaalamo, ka baxa magaalada,afarta wasiir maxay u dhici waayeen waa muda dhaafe,adeerkood baa ka yidhi dalka booba anaa idin difaacaye,wasiiradaasi aqoon uma laha xilka loo igmaday,garoonkii diyaarada ee hargaysaa ayaa wasiir xashi u qaybiyay habar jeclo,wallahi dagalkii 1994kii baa dhici doona,madax waynhu waa tug oo habar jecluu tuugada u geeyaa,war hayooy ku kaca ku mudaharaada ku cabaada,waxas oo aflagaado ah iyo nasab cayga aan cidna laga duwayn min madax ilaa manjo,mudane iyo marwo ,sheikh iyo shariif midna looga aabe yeelayn,waxa la yidhi [uli waa qabawdaa erey xumi ma qaboobo]

Siyaasiyaantan oo afafkoodu xejin kari waayay hadaaq nac iyo cadaawad isireed ee ay h.jeclo u qabaan oo u quluubtooda ku xafiday iblays,ragaan oo cudurkani ku qaan gaadhay oo hada maraysa meel aan laga indho qarsan karayn,loona dul qaadan Karayn waxay dadkuna liqi kari la,yahiin bal ragaa waawayn ee sheegana aqoon yahanka siyaasi iyo xildhibaano baarlamaanka ah ee kolkay maqleen geeridii foosha xumayd ee ka dhacday deegaanka Qori lugud ku farxaya jabka iyo ba,a gaadhay ciidamadeena qaran iyagoo ku jiheeynaya inay tahay talo beeleed,dilka labdii sarkaal oo ka tirsanaa cidanka qaranka guutada 17aad kuwaaso uu dilay gacan ku dhiigle ka tirsan isla ciidamada qaranka, geeridan oo ahyad mid laga aad looga wada naxay lagana xumaaday,waxaanu illaahay uga baryaynaa inuu qoyskii iyo qaraabadoodii saraakiishaas xaqdarada lagu dilay ka siiyo samir iyo iimaan cawil khayr qabana ugu bedelo,labada marxuumna in ilaahay ka waraabiyo janatul farduus aamin,geeridu waa qadar ilaahay,qof waliba waxuu dhimanaya xiligisa waxuna u dhimanayaa sabab cad mana aha qadarta in la siyaasadeeyo oo lagu wiirsdo mana aha in beela laysku guubaabiyo sida hadaba dhacday,ilaahay baa inaga samato saaraye idinku doorkiini umaydin dagan,mana habona in lagu digto ka geeriyooday iyo ehelkuu ka tegay,waxaana xukuumada looga fadhiyaa inay dhaqar qabii dilka gaystayna degdeg loo hor keno maxkamada lagana waajib qaata.geeri nin ku farxa iyo nin ka naxaba xaga ilaahay baa qof waliba xisaabtiisa ka helayaa insha allahu.

Shicibka reer s/land wixii mudakar ah,waxa tusaale ugu filan dhaxal xumada ka dhalatay guubaabadii iyo kicintii shacabka gebilay iyo mudaharadadii aad dabad ka riixayseen faaido iyo khasaare maxay dhaleen,talo xumadiini iyo munaafaqadiini dhaxalkeedu waa geeridoo badata iyo khasaaraha oo shacabka wada saameeya,halkii laga dawayn lahaa wixii dhacay ayaad dab ku afuufteen,shicibka reer gebilayna khibrad bay u noqotay khasaarii taladina waxay sahayataay naf iyo maalba dad aan waxba galabsan baa ku naf waayay,yaa qaba geeridaas oo denbigaa loo raaci doonaa, hadaad ifka wax idinkala xisaabtama waydeen, akhiraad heli doontaan insha allahu.

Waxay cadawgeena iyo canaasiirtiisu u haliilayan iyagoo u hamuun sidii ay mar labad s/land u soo geli lahayd laakiin [hashu laankiyo laaca aragtaye laaga ma ogtahay] waxaanay qabaan in taasi ka suuro gelayso in nabad gelyada s/laan khal khal iyo jaha wareer la geliyo lna iska hor keeno beelaha reer s/land tasoo fure u noqonaysa bur burinta qaranimadeena oo saldhigeedu yahay nabad gelyo waarta.

Yaan shicinkeenu marna halmaamin kelmada dhabta ah hadii nabad la waayo nolol waa la waayay,hadii nabadu burburtona s/land way duntay madaxbanaanideenii iyo ayaheena aynu waqtiga dheer u soo samiray,halkaana waxa ku dhamaanaya rajadii nololeed ee shacbiga iyagu gacantooda isku bireeyay,horaa loo yidhi;[lax waliba shilalkay isdhigtaa lagu gawracaa].

Ereyada ragan siyaasiyiinta baad mooda inay ula jeedan [hadaanan talinayn ilaahaw rafac dal iyo dadba],ilaahay kama dhigo sidaasa layna rabo,waxaanuna leenahay ilaahaw abrisyadan dadkan masaakiinta ah ah,hadhkaa qudha ee nabada lagu hadhsanayaa laynoo quudhi la,a yahay,sidaas darteed waxaaynu nahay dad walaala ah,wax aynu kala dhacnay iyo waxaynu is yeelay midna ma jirto markaa aan ka feejignaano khidadaha isa sudhka,iska horkeenka,is nacsiinta iyo xumo abuurka uu cadawgeenu inagu wado ha laga fogaado oo ha laga laysa saamaxo ayaan odhan lahaam.

Anigu waxaan qabaa in shacabka casiiska ah ee reer s/land inuu yahay dadka ugu gobsan quruumaha aduunyada illahay ku beeray,sababtoo ah waa dad isa saamaxa isu samara,isu dulqaata,isu tanaasila,is aamina,wax is tara naf iyo maalba isu hura, isu hiiliya,waa dad qoys iyo qaraabo ehelnimo,saaxibnimo,jaarnimo wadaaga,waa wiil iyo abtigiis waa rixim,gacal,geyaan,casabad wadaaga dalka, degaanka iyo duunyadaba,waa dad isqaderiyaoo ku dhaqma diinta islaamka,waa dad isa soora,is marti qaada,isu hoyda cuud iyo calafba kooda tabaalaysan aan qolo u eegen wax tara,waa dad isu gurmada oo naf ta isu hura,waa dad wacadka,balanka iyo heshiiska tix geliya,waa dad waayo arag ku ah aafooyika iyo dhaxl xumada colaada sokeeye,ilaa iyo hadan shacbigu kama soo kaban xasuuqii, dhacii, boobkii, khiyamadii iyo isa sudhkii laysugu hubeeyay inay is gumaadaan oo isku madhaan kazoo ahaa ku tala galkii reer koonfureed aynu walaalaha moodnay ee la midawnay 1960kii,duulaanadan oo ay qayb libaax ka qaadanayeen mulaterigii soomali wayn waxuu ku salaysnaa nac iyo cadaawad loo qabo qabaailka isaaqa oo la rabay in laga tirtiro gebi ahaanab gayigii laysku odhan jiray soomlai wayn,shekada manta mucaaradku wado iyo tii faqashtii miyaanay isku mid ahayn sababtoo halkiay isaaqa ka necbaayeen,ayuun baa hada loo bedelay habar jeclo.

shacabkani haduu yabyab yahay raga qooqayow waxaan leeyahay,xagaad joogteen xiligii soomaliba laysu fasaxay dhiigeeda iyo dhaceeda,sidi sidaada mooye dhul u dhacaaga maad sugi,shacabkani waa garanayaa wacad la,aant,balan darada,beenta,sirla luudista iyo munaafaqada somalida koonfureed,wax la yidhi mayd maxaa ugu danbeeyay ka la sii sido,balan iyo heshiis waxaa ugu danbeeyay kii hawada ee inaga dhexeeyay,waana laga wada dheregsan yahay heshiiskii Turkiga lagu wada galay ee dunidu ka markhaatiga ahaydna inuu xagooda ka fuli waayay,oo gadaal lagaga yidhi waa laydin khiyaameeyay.

Shicibkani waxay qayrkood ku dhaafeen qayr xigahoodna ku haybsanayaan waa isku duubnida,wada tashiga daacadnimada dhexdooda taal,xilkana maalinba kii alle u qoraa ayaa qaban doona,halaga daayo qardoofada dadkan wallalaha ahna yaan la kala fogayn ma kastaa inagu badane.waxa kale oo aynu guul ku gaadhnay gurtideena waayo araga ah kuwaasoo ku xarfaana hashii fool habawdaba sida loo jiro,kii manta reerkeena waa s/land wax ka hagradow ,qoodha iyo xeradaaba jabtay.

Hadaladan xadgudubka iyo caqli xumadu lagu daray raga baa u haysta inay sharaf tahay,iyagoo moodaa talaabo kaanbayn siyaasadeed ah oo lagu guulaysatay,iyagooo rajaynaya inay dhawaan goostaan midhihii guusha ay gaadheen oo ah hanashada hoganka ugu sareeya dalka,iyagoo ku nayaayiroonaya inay si laban laabi doonan kala faquuqista iyo iska horkeenka bulshada ay xukumi doonaan intii karaan iyo dedaal ay samayn karaan,tolow haduu dagaal qarxo yaa la maamuli doonaa.

shicibku xaq buu u leeyahay inuu wax ka sheego si qaab san xukuumadii u doortay balse waxa xaran in cayda iyo aflagaadad beelaha iyo shacabka la cadaysto iyadoo laga dhiganayo dhufays xiliyada kaanbaynada siyaasadeed.

Afarta wasiir maxay u dhaci waayeen,waa mudo dhaaf,waxaaxaan idinka idhi kolka hore anigu waxaan qabay in wax bani aadamku sameeyaa ay dhacaan ee sancada illahayna inay dhacdo oo weliba dadku dhaco way manta iyo maqalkiina.

Bal aan taariikhda idin yarehe xusuusiyee wad halmaan badan tihiin,wasiirada beeshan ka soo baxaa ma dhacaan baa laga yidhi,adeer marka hore ayaa waxanu raga hor gaynaa rag mudakar ah oon laga masuul ahayn lana wastayn,oo garanaya xilka loo igmnaday madaxdiisana aan la murmayn,sidii maxamed xashi cilmi oo xilkii loo dirtay garan waayay oo xil aan loo dirasan oo wasiir cawil cali duaule leeyahay la soo shir tegay,shirkii golaha wasiirad halkaasna muran ka dhex bilaabay,gortii m/wayne daahi riyaale is yidhi wax u sheeg ,waxii kala raacay waa la wada ogaa,m/wayne siilanyona tii oo kale ayaa kala kulantay,balse anaga waxaa naga soo baxa hogaamiyeyaal,xilkas ah,daacad ah,wax qabadleh,oo yaqan waajibaadkooda shaqo,dib u raac raad raaca taarikhda,wasiir c/laahi ma,ed duale waxaa magacaabay m/wayne cigaal,waxuu cigaal ku geeriyooday c/laahi dhabtiisa,isagoo sidii u wasiir ah ayuu m/wayne daahir dawlada qabsaday waxayna isaga iyo c/llahi ka wada tageen 2010kii,markaa ragan waa rag u xor ah shaqada ay qabanayaan oon cidna kala tashan,iskuna kalsoon markaa raganina waa wada c/llahi.

Waxaan kaloo iswaydiiyay tolow marka ay leeyihiin wasiirada waa mudo dhaaf,ama ay aflagaadad eedaynta habawga ah iyo been abuurka ka samaynayaan, maxaa loo eryi waayay afartan wiil,anigu garan waayay u jeedadooda ma m/waynehay ka wasteeyeno balan ba uga meel yaalay,oo xiligii balanku ahaa bay wasiiradu dhaafen ma sidaasay ula jeedaan,mise xaalku waa sheeko caruuredka ay caanka ku ahaayen ee [tuugow hilaac yaa kula ogaa] ,marrnar waan is idhaahdaa tolow ma xilkasnimada,kalsoonida,aqoonta,aftahanimadooda,dhaqan wanaagooda markay arkeen afartaas wasiir bay u bogeeno sidani waa ka shukaansi siyaasadeed oo waxay isleeyihiin waxqabadka iyo kalinta ay xukuumada kaga jiraan ha haawato,mise m/waynahayba amar ku siinayaan inuu ragas eryo maadam ooy naceen iyagu.

Mucaaradkii hore waxa uu can ku ahaa in siyaasiyiinta mucaaradku ay ataagto siyaasiyiinta dhigood ah ee la beesha ah,iyagoo ku eedaynaya in aanay waxba qaban oo ku guul daraysteen wixay bulshada u balan qaadeen,sidaas darteed iyagoo tilmaamaya inuu nin waliba kaga haboon yahay kaa kale,waxaan la laga fajacay waalida mucaaradka manta waxuu qudbadooda ka bilaabayaa amaanta iyo waxqabadka wasiirka ay isku beesh yihiin,waxuuna ku gabagebeeyaa cayda iyo eedaynta ay ku gefeyaan afartan wasiir ee xirsi,xaashi,xuseen iyo cali siciid oo ragaasi u yaqaan looma ooyaan,shaw wasiirkada ay isku beesha ahaayeen amaantoodu tolnimo iyo nasteex ma aha,shaw waa baqdin.

Wasiiradani waa wasiiro qaran,xilkana waxa u igmaday m/waynaa waxaana ku ilhaamay ilaahay oo waxwaliba waxay ku yimaadan qoraalka iyo qadertaillahay ,isagaana u qoray idinkoo soo tuban inay madax ahaadaan, waxaana maanata farxad u ah m/waynaha iyo shicibka s/land,dedaalka iyo xil kasnimada waxqabasho ee wasiiradan muujiyeen,ilaahay maragii way kazoo baxeen waajibaadkii shaqo ee loo igmaday,raga qaarkiis kaalintoodi iyo dheeradba way guteen,illahay miyuu idinka indho saabay wadooyinkii sida laga dhigay ,mase idinka qariyay dhisma,qalab,n/gelyo,adeegista,qurux iyo nidaamka iyo kala danbaynta garoomada hargaysa iyo berbera,[ habartii dugeediyo degelkay ku noolayd daruuru ku hooreen dadba wada hel moodo daad wararac bay tidhi] shicibka iyo xukuumaduba waa qirayaa dedaalka wasiiradaas,ilaahay hala qabtee hadana waxayu soo guntadeen sidii ay wax uga qaban lahayeen wadadii c/gaabo ee dawladii hore ka oo een waxaana ilaahay uga rajaynaynaa inuu u fududeeyo oo ay wasiiradaas iyo m/wayne siilaanyo xadhiga ka jaraan wadadaas ceerigaabo insha allahu wa bi idnihi.

hadii layga dareemo dawlad jacayl badan anaa qiray,balse ma ihi minal muqarabiina iyo kuwa garaadka la bido toona,lakiin waxaan ahay nin si cad u sheega waxuu ka hadlayo,waxan ahay qof jecel qaranimada s/land inay waarto,m/waynaha iyo golahiisa wasiirada waxaan jecelahay inaan kula dardaarmo,maalmuhu waa wax tisan,xilka culus ee ilahay guudkiina saaray,inaad shicibka ka idin doortay iyo kaan idin dooranba inaad si xaq iyo cadaalad ah intii karaankiin ku dedaashaan xaqa iyo xuquuqda gobolada iyo shicibka reer s/land haw sinaadaan,cid kastoo xil haysa ama madax ka ah s/land shicib iyo dawlad waxaan odhanayaa ilaahay ha laga baqo oo si siman umada xilka ha loogu wada shaqeeyo,hadii kale waxa nin kasta lala xisaabtami doona isagoon u daafad hayn qiyaama.suaashiinii aad na soo waydiiseen afartan wasiir maxaa loo eryi waayay,waxay u dhigantaa goormay dhimanayaan wasiiradani,bal idinku idinkaa cilmi badnaaye isu soo waydiiya goortaad dhimanaysaan markaad noo sheegtaan xiliga geeridiinu noqonay baanu idiin sheegi doona xiliga la eryayo afrtan wasiir.

jamaalow adeer ma jiro dhul garoonku leeyahay oo dad habar jeclo ah wasiir xaashi u qaybiyay,mindhaa waadiga wax eegeeg badane dayrka garoonka logu wareejiyay ayaad aragtay oo mooday guri habar jeclo dhisanayso,cid habar jeclo ah oo karagshar u yaala garoonkan ma jirto bulshaduna waa wada ogtahay, waa ii kow nin wayn oo muslim ah oo been intaas baaxad leg intuu been abuuro ka sheegaya medea,si warkaasi qaarad ilaa qaarad u kala gudbiya isagoo ben ah, watii layna lahaa gaalada iyo raga la nooli beenta ma yaqaanin,tolow tani ma diin yaraan baa odoyada qaar haysa ay arinkii isugu geeyay,waxanse halka ka fahmay [inal diin cindak qaliil] diintu way kugu yaratahay,bal haduu garanayo xadiisyada beenta ciqaabkeeda ku sabsan ee rasuulkeeni [scw] laga wariyay ciyaarciyaar uma yidhaahdeen baan is leeyahay.

waxaan jamaalow dib u xusuustay safar hore adoo ka soo degay garoonka berbera waxaad caayaysay oo aad dhuuni raac ku sheegaysay golaha baarlamaanka,ood ku dhaliilaysay ansixintii miisanayadii 2014ka,adigoo tusaale u soo qaatay in labadii xisbi ee waawynaa ee maraykanku ay usku haystaan insixintii miisaniyada maraykanka,kuwani waa ku u degdegeen,may ahayn inay ansixiyaan miisaniyada ogaw askariga foranta jooga 80 dollar ayuu bishii qaata jamaalow,ma jirto meel aduunka lagaga shaqeeyay musharkan oo kale,waana sababaha keenay in dadkii wada tahriibaan,shaqaalahu s/land waa ku dayacan yahay xaq iyo xaquuq midna kuma haysto,weliba waxay dhaqdhaqeen intii m/wayne siilanyo yimi ee xoogaga kordhiyay oo waa sababahay wasiirkii maliyada isku qabteen,hadana shaqaalaha waynaha s/land warkaag way hayaan ha loo kodhiyo daa ee halagu canaado oo ha lagu caansiriyaad 80 dolar ayaad qabtaa,war la hayaa xiiso ma laha qaar u kordhiya oo u dedaalu shaqaaluhu dooranayaa,adigu se waxaad la soo shaqo tagtay 80 doolar ee shaqaalaha,xukuumada m/wayne siilaanyo waxaan odhan lahaa adigaa garanaya sharafta iyo karaamada shaqaalu mudan yahay sababtoo ah waa laf dhabarkii dalka madaxwayne shaqaala waynah s/land mee fiican xaqooda ku tiiri insha alla.

Waxaan ku soo gaba gabaynayaa war aan nabada wada dhawrano,adeerayaal naga daaya habaarkan aad ducada moodeen,oday la odhan jiray aadan axmed jibriil ayaa waxuu qabi jiray islaan [sunbo]ah,habaar badan oo la odhan jiray dhudi subagle, wax la yidh goorta qoraxdu dhacdo ayaa aadan salaada makhrib markuu tukada isagoo masalahiisa ku fadhiya ayuu duco bilaaba in ilaahay degalkooda dadka iyo duunyadaba nabad gelyo siiyo,barwaaqo iyo bashbashna ku nooleyo if iyo akhirona u naxariisto,marka qoraxdu dhacdo ayaa dhudina bilaw daa habaar ilaahaw dad iyo duunyob na rog,ilaahaw ba,balanbal iyo belaayo nagu salid.

Aadan intuu ducada joojo,ayuu dhudi ku yidhaahdaa naa habaarka inaga daa,naa ilaahay waa la baryaa oo wa wanaagsan baa laga baryaa ee belo iyo baas lama waydiisto,dhudi warka odayga dheg uma dhigto habarkeedii baba sii wadataa,naa aamus ilaahaw waa naag waalan ee ha noo dhegaysan buu aadan yidhaahdaa,siday habartu habaarkaas u shubayso,odayguna ku lee yahay naa buus oo naga aamus ayay caweesinka ku gaadhaa.

Waxaa la yidhi mudo dhawr iyo labaatan sanadood ah markay xaalkaas islaantuna reerka habaarayso,odayguna u ducaynaayo lagu jiray,ayaa aadan habeen habeenad ka mid ah ayuu u yeedhay islaantiisi dhudi,wuxuuna ku yidhi dhudiyeey imisaad reerkan habaaraysay ana aan u ducaynayay.

Waxay dhudi tidhi xaaji in badan bay ahayd,waxuu yidhi aadan hadab caawa soo daa waxaad habaar hayso,dhaxaan ku lahaa inaga daa caawan leeyahay illahaw aqbal oo naga ajiibe soo daa,dhudi intay naxday bay tidh bisinka xaaji miyaad waalatay kaygu habaar cadaawadeed ma ahayne,habaar lexo jecluu ahaaye inaga daa caawa igu danbaysa.

Hadaba anagunu idin odhan mayno sidii aadan ee waxaanu idin leenahay ilaahay haydin soo hadeeyo oo xaqa iyo wanaaga haydin garan siiyo.

Shicibka reer s/land waxaan leeyahay isku kalsoonida iyo wanaaga danteena iyo horumarkeenu ku jiraa,xabadin xal ma dhasho,wallalayaal ha loo diyaar garoobo sidii aynu cadawga xamar inagaga soo duulay aan isaga dhicin lahayn,wa bilaahiu tawfiiq.

WQ: 

muj:maxamed cawed gacanlow

**************************************************************************Shebekedda Afkashacabka.com Masuul kama aha wixii dhaliil iyo toosin ah ee uu maqaalkani xambaarsanyahay keliya waxay dhiirigelinaysa is dhaafsiga fikirka , talo wadaaga iyo wax isu sheega, balse qoraaga ku qoran qormadan aya xumaanteeda iyo xilkeedaba iska leh