Waa arooryosan,barkhad waa iyo bil-khayr,belo iyo masiibo midna geyiga subaxaa lagama sheegin.waa subax talaada ah,amintu waxa sheegaysa,8;05 AM.waxaan cagta saaray toobiyaha xaafadda ka baxa oo isna ku darsama waddo kale oo ka timaadda dhanka waqooyi,meeshu waa xaafadda faarax oomaar ee magalada burco-magaala madaxda gobolka togdheer-waxaan ahay habsan. baskii jaamacaddu waa uu iga tegay

.

amin aan ahayn wakhtigii ballantu ahayd ayaan tallaabada dedejinayaa.itaalkay, waxaan isleeyahay lug ku tag jaaamacadda oo aad iiga durugsan.waxaan tallaabo dheerayn miciinsado waxaan ku soo dhacay dhabada loo yaqaan " 27may”.waxaan kaga dhacay xannaanada dhexe ee " xasan kayd” oo dhinaca bari ka xigta saldhiga dhexe ee magaalada burco.dhinaca galbeed ayaan u raacay dhabbada .waxaan soo dhexmaray dad fara badan .dadku waxay u badanyihiin ganacsato iyo dadkale. dadka waxa ka mid ah; dumar ka soo adeegtay oo ka yimi suuqa loo yaqaan "hangarka” oo dhabbadu ay dhinaca koonfur ka marto.dhabbada hareeraha waxa ka xiga bacad layaal ,dukaano iyo bakhaaro,waa suuq camiran .waa dhaqdhaqaaqa ganacsiga ee magaalada burco,waa goob aad u saxmad badan.wax ba yaan hadal kugu daaline. markaan soo dhaafay hudheelka badha-badha ee aan ku soo dhacay laamiga dhinaca galbeedka magaalada burco ayaan waqooyi u jeestay,waxaan cagta saaray dhabaha halowsin-ka ah ee laamiga,waxaan soo gaadhay goobta "siirooga” ee magaalada oo ku agtaal ama ka soo horjeedda dawladda hoose .

waxaan fuullay biriishka caanka ah ee magalada burco kaas oo uu hostiisa maro "togga-dheer” ee gobolka togdheer loogu magacdaray.biriishkani waxa uu ka mid yahay biriishyada qadiimka ah ee dalka ku yaal kaas la dhisay 70aad-kii-waxba yaan hadal kugu daaline- markaan soo dhaafay biriishkii.ayaan aminta eegay.waxan arkay in wakhtigu is gurayo.tallaabadii ayaan sii dheereeyay. Xawaaraha tallabadana waan kordhiyay.qorax kululina waa ay soo baxday, laakin wali maan daalin ee waxaan ka fekerayaa sidii aan u gaadhi laha lecture-ka hore DR cali aannu I dhaafin lahayn.

Lama filaan!. markaan hor marayay wakaaladda biyaha ee magaalada burco ayaan waxaan arkay dumar faro badan oo dhinacyadayda maraya .qaar waa ay iga dambeeyaan ,tolow goormaan dhaafay?!,dumarka qaar kale waa ay iga horeeyaan.dumarku dhammantood waxay xanbaarsan yihiin caruur,in markaan socday oo dumrkii qaar ay iga dambeeyaan qaarna iga horeeyaan meel koonaha ah oo aan iga fogayn waxa maraysa gashaanti dhalinyaro ah oo aadbilicsan.qalanjo ah.quruxda korkeeda ka muuqata marka aad u fiirisato ama aad eegto aad la ashqaraarayso!. waxa ay xanbaarsan tahay ilmo-yar .

"Tolow mayadaa dhashay” ayaan is waydiiyay

"oo hooyo ba uma eeka taniye bal eeg sida ay u xanbaarasan tahay ilmaha yar ?!. malaha waa loo soo dhiibay?. waa suurto gal”, ayaan kula sheekaystay naftayda.

"Tolow, haddaan la hadlo ka waran? ,oo maxaa kaa galay ee aad ula hadli?” Ayaan kula sheekatsatay naftadii markale,laakiin waxaan ku dhiiraday in aan la hadlo.

"Asalaamu calay kum walaal?”ayaan ku idhi

"wacalayku masaalaan walaal” ayay iigu jawaabtay.

"Xaggaad ku socotaa walal?” Ayaan waydiiyay.

"Walalo kollay xagga hore ayaan ku socdaa,laakin maxaad ii waydiin?”

" ilmo qurux badan ayaad sidataa walalo.ma inan baa mise waa wiil?”

"waa wiil walal,”

" adigaa dhalay miyaa walaal”

intay xishootay oo dhoolla caddayn raacisay ayay igu tidhi, "maxay kula tahay adiga walaal?”

" walaal, ma qiyaasi karo runtii”, ayaan ugu jawaabay

" anigu hooyo uma ihi .waxaa ii dhiibtay hooyadii oo aannu jaar nahay oo aan u sida .hooyaddiina, inagama foga.quruxda aad sheegtayna iyada ayuu ka raacday”

"waan gartay walaalo,markaad waad caawinaysaa?. Oo laakiin waxan oo dumara ee caruurta sitaa maxay ahaayeen?.xagge lagu sida caruurtan ?”.ayaan waydiiyay.

" walaal haa .waan caawinaaya.caruurtan dumarku sitaan waxay ku sidaan meesha haayadda ee wax lagu bixinayo.dumarkan aad aragtaa waxay ka yimaaddeen inta badan xaafadaha magaalada,gabadh kasta oo ilmo yar sidata waxbaa lagu siinaya!. markaa dumarka qaarba caruur farabadan sita.si ay wax ugu qaataan.” ayay iigu jawaabatay.

" lama filaan!.waa dad faqiir ah miyaa walal?”, ayaan ku idhi.

" maya. cid kasta waa ay isugu jiraan .waxa ay rabaan walaal in caruurtan ay sitaan haayaddu wax ku siiso!!.markay siiso ka dib ay iibiyaan,laakin way ku jiraan qaar aad u taag-daran oo u bahaan .haseyeeshe, dadkeeni waxay noqdeen ,ma tabcadayaal aan shaqaysanayn oo sugaya wax ay haayadi bixiso oo keliya!.waxa ka daran walaal musuqmaasuqa dhex socda ee meesha ka dhacaya.” ayay hadal iigu soo koobtay.

skeeko goosgoos ah iyo haasaawe aannu is waydaarsanay ka dib .waxa mur qudha aan waydiiyaya "walaal inantan yare e aad sidato adigu maxaad ku fali mar haddanad dhalin waxna aydaan isu ahayn mise haayadda ayaad caawimo kaga helaysaa?”.

" walal anigu waxba ku fali mayo wax yar oo silica oo haayadi bixiso,laakin gabadh aanu jaar nahay ayaa iga codsatay in aan u soo qaado waayo iyana waxay sida taa ilmo kale si ay wax badan ugu hesho ayay laba ilmood u soo qaadatay, iyada oo keliya ma’aha ee waa wax dalka ka jira .markaa hooyaday ayaa igu tidhi caawi oo jaar ayaannu nahay.waan didii kari waayay walaal.arinkan ayaan saaka u soo jaray iskuulkaygii in aan gabadhan caawiyo ka waran bal qiyaas arinkan?”ayay hadal ku soo koobtay.

halkaa markay maraysay arintu, anigu hore ayaan u dhaafay,waxaan sii anbaqaaday socod kaygii si aan jaamacadda u gaadho,laakin waxa lama filaan igo noqotay caruurtan lagu dawarsanayo ee laba labada loo soo qaadano.musuqmaasuqa haayadaha dadka caawiyaa iyo dadka u shaqeeya ay ku kacaan,waxa lama filaan igu noqo tay,ladh iyo xanuun laabtayda ku reebay dadkan wax uun ka sugaya haayadaha ee aan shaqaysan karayn iyagoo awooda.haddii abbaari dhacdo halkii alle laga baryi lahaa waxay baryayaan haayadu iyo dad la mid ah.

 

Bashiir raacdeeye

Raacdeeye.1@gmail.com

Burco-2011