Dawlada Soomaaliya Oo Soo Bandhigtay Natiijada Baadhis Ay Ku Waday Qaraxii Uu Ku Dhintay Eng Yariisow
Wasaaradda amniga gudaha Soomaaliya ayaa shaacisay natiijada baaritaan horudhac ah oo lagu sameeyey qaraxii 24-kii July 2019 ka dhacay gudaha xarunta maamulka gobolka Banaadir.
Warsaxaafadeed ay wasaaradda soo saartay ayaa xaqiijiyey in qaraxa uu ahaa mid is-miidaamin ah oo ay fulisay gabar ka shaqeyneysa xarunta islamarkaana aragga la’eed.
Waxaa sidoo kale baaritaanka lagu ogaaday in gabadhaas aragga la’eed, ay caawisay gabar kale, oo baxsatay, taasi oo Iyana ahayd kaaliyaha gabadha aragga la’, sidoo kale shaqaale ka ahayd xarunta.
Wasaaradda ma shaacin magaca gabadha aragga la’ ee is-qarxisay, hase yeeshee Caasimada Online ayaa rumeysan in lagu magacaabo oo ay xarunta uga shaqeeneysay Basiira Cabdi Maxamed, hase yeeshee waalidkeed u yaqaanaan Maryama Cabdi Maxamed.
Qoraalka wasaaradda ayaa lagu sheegay in labada gabdhood ee qaraxa fuliyey ay waqti isku dhow oo bil gudaheed ah shaqada ka qaateen fasax, islamarkaana tageen xarumaha kooxaha argagixisada.
Wasaaradda amniga ayaa shaacisay in dhowr qof loo xiray qaraxan.
Dawlada Soomaaliya Oo Soo Bandhigtay Natiijada Baadhis Ay Ku Waday Qaraxii Uu Ku Dhintay Eng Yariisow
Dawlada Soomaaliya Oo Soo Bandhigtay Natiijada Baadhis Ay Ku Waday Qaraxii Uu Ku Dhintay Eng Yariisow