Madaxweyne Farmaajo oo la kulmay Guddiga Qarramada Midoobey u qaabilsan Cunaqabateynta Hubka
Madaxweynaha Soomaaliya Maxamed Cabdullaahi Farmaajo oo kulan la qaatay Guddiga Qaramada Midoobay ee cunaqabateynta hubka Soomaaliya ayaa la wadaagay warbixin ku saabsan deegaannada Dowladda ay ka xoreysay argagixisada Alshabaab, qorshaha dib u habeynta ciidamada xoogga dalka iyo dagaalka lagu dabar-gooynayo fikirka xagjirnimada.
Sidoo kale, Madaxweyne Farmaajo ayaa dul istaagay dadaallada wax-ku-oolka ah ee Dowladdu ay ku mideysay qorshaha wadajirka ah ee dalka lagaga xoreynayo Alshabaab, diyaarinta sharciyada lagu wiiqayo ilaha dhaqaale ee argagixisada iyo dhismaha Xafiisyada Amniga Qaranka ee heer Federaal iyo heer Dowlad Goboleed.
Madaxweynaha Jamhuuriyadda ayaa uga mahadceliyey Golaha Ammaanka iyo Guddiga Qaramada Midoobay ee cunaqabateynta hubka sida ay uga go’an tahay taageerada Dowladda iyo shacabka Soomaaliyeed, gaar ahaan dhinaca nabadeynta iyo xasilloonida waarta.
Madaxweyne Farmaajo oo la kulmay Guddiga Qarramada Midoobey u qaabilsan Cunaqabateynta Hubka
Madaxweyne Farmaajo oo la kulmay Guddiga Qarramada Midoobey u qaabilsan Cunaqabateynta Hubka