Masuliyiinta Ugu sarraysa Jamacadda Camuud iyo Ardaydii hore uga qalinjebisay Jamacadda Oo kulan ku yeeshay Hargeysa iyo Nuxurka Kulankooda
Kulan si heer sare ah loo soo agaasimay ayey xalay ku kulmeen tiro kamida ardaydii ka soo aflaxday Jaamacadda Camuud ee ku sugan Caasimada Hargeisa iyo Masuulka uugu sareeya Jaamacadda Camuud Proff Suleiman Axmed Guleid isaga oo ay wehelinayaan Madaxa Hay’adda Caalmiga ee Camuud Foundation Mr. Maxamed Faarax Cigaal iyo Masuul ka so socday Jaamcadd ku taala Dalka Maraykanka ee Massachusetts Mr. Maxamed Faarax Good "Wardi”
Madaxda ururka ardayda ee Jaamcadda Camuud eeku Sugan Hargeisa "Alumina” iyo Masuuliyiinta ayaa kulanka isku waydaarsaday dib u xasuusta waayo waayo iyo waayihii soo maray,sidoo kale isla dareen iyo farxad qaybsaday.
ugu horayn Proff Suleimen Axmed Guleid oo Madasha Casho sharafta furay ayaa ka xog waramay heerkii jaamacadu ka soo bilaabantay iyo halka ay maanta marayso isagoo ardayda ka xog siiyey hoygii ay ka soo aflaxeen
dhanka kale gudoomiyaha Hay'adda Camuud Foundation Mr Maxamed Faarax Cigaal ayaa kulankan ku tilmaamay mid qiimo iyo dareen gaar ah maadama intaas oo masuul oo heerar nololeed oo kala duwan ku sugan ay dhamaan ku abtirsadaan Jaamacadda Camuud isla markaana ku dhiiriyey in ay sii xoojiyaan wada xidhiidhkooda iyo xidhiidhka ay la leeyihiin Jaamacadii ay ka soo baxeen
Mr Maxamed Faarax Good "Wardi " oo ah masuul kamida masuuliiyinta uugu saraysay Jaamacad ku taala Dalka Maraykanka oo magaceeda la yidhaa Massachusetts ayaa ku fogaaday mihiimada ay leedahay iska war haynta dadka hoy kaliya ka soo wada aflaxay iyo heerka ay aduunka ka taagan tahay isagoo sheegay in ardayda meel ka soo wada baxda dadka iska xigto, dhanka kalena iftiimiyey sida uu ugu faraxsan yahay in uu arko masuuliyiin bulshada magac iyo meeqaam sare ku leh ay yihiin arday ka soo baxday Jaamacadda Camuud, Ardaydii kulankan ka soo qaybgalay ayaa si aad ah u bogaadiyey kulankan iyo saamaynta uu agtooda ku leeyahay
isku soo wada duubo kulankan ayaa ku dhamaaday farxad iyo dareen qiimo badan
Afkashacabka.com
Hargeysa /Office
Contact@afkashacabka.com
Masuliyiinta Ugu sarraysa Jamacadda Camuud iyo Ardaydii hore uga qalinjebisay Jamacadda Oo kulan ku yeeshay Hargeysa iyo Nuxurka Kulankooda
Kulan si heer sare ah loo soo agaasimay ayey xalay ku kulmeen tiro kamida ardaydii ka soo aflaxday Jaamacadda Camuud ee ku sugan Caasimada Hargeisa iyo Masuulka uugu sareeya Jaamacadda Camuud Proff Suleiman Axmed Guleid