Hordhac Champions League: Real v Atletico – Kooxaha Madrid Oo Kulankoodii 8aad Ee Xilli Ciyaareedka U Tartamaya Booska Semi-finalka UCL.
Real Madrid ayaa wadada u saaran inay difaacato koobka Champions League islamarkaana noqoto kooxdii ugu horeysay ee difaacata koobkaan tan iyo markii loo bixiyay magaca Champions League, laakiin waxaa wadada u taagan kooxda Atletico oo mixnad soo taagan ku noqotay xilli ciyaareedkan.
Madaama barbaro goolal la’aan ah lagu soo kala baxay kulankii lugta hore ee Vicente Calderon ka dhacay, Atletico ayaa ka fursad fiican Real Madrid madaama ay caawa ku soo bixi karaan barbaro goolal ah, halka Los Blancos ay ka go’an tahay inay badiyaan waana sida kaliya ee ay ku soo gaari karaan wareega afar dhamaadka Champions League.
MAXAA KA CUSUB?
Real Madrid waxaa caawa ka maqan afar ciyaaryahan oo muhim weyn u ahaa, Luka Modric, Gareth Bale iyo Karim Benzema ayaa dhaawacyo kala duwan ku seegaya kulanka caawa ee Madrid Derby halka Marcelo uu ganaax ku seegayo kulanka Bernabeu ka dhacaya caawa.
Dhanka kooxda martida ah ee Atletico Madrid waxaa ganaax kaga maqan Mario Suarez, halka Mario Mandzukic shaki la geliyay taam ahaanshihiisa kulanka caawa inkastoo la filayo in lagu soo bilaabo.
SHAXDA MACQUULKA AH:
Madrid: Casillas; Carvajal, Varane, Ramos, Coentrão; Isco, Illarramendi, Kroos, James; Ronaldo, Hernández.
Atlético: Oblak; Juanfran, Miranda, Godín, Siqueira; Arda Turan, Gabi, Tiago, Koke; Griezmann, Mandžukić.
MA OGTAHAY?
- Labada kooxood ayaa 202 kulan oo horyaalka iyo koobab ah ku kulmay, 103 kulan waxaa badisay Madrid, 50 jeer waxaa badisay Atletico, halka 49 kulan ay barbaro galeen.
- Kooxda Rojiblancos ayaa ciyaareysa wareega 8da ee Champions League markii 7aad, waxaana ay raadinayaan inay markii shanaad gaaraan wareega afar dhamaadka.
Hordhac Champions League: Real v Atletico – Kooxaha Madrid Oo Kulankoodii 8aad Ee Xilli Ciyaareedka U Tartamaya Booska Semi-finalka UCL.
Real Madrid CF iyo Club Atlético de Madrid wax badan ayay is arkeen xilli ciyaareedkan; kulanka caawa waa kulankoodii 8aad ee xilli ciyaareedka , waxaana barbarihii goolal la'aanta ee lugta hore ay la micno tahay in tartanka lagu gaarayo