"Baarlamaan Ahaan, Waxaanu Jeclaan Lahayn In Guddoomiye Cirro Ka Muuqdo Munaasibaddii Golaha Deegaanka Sheffield Ugu Codeynayeen Aqoonsiga Somaliland". Xildhibaan Bukhaari
"Baarlamaan Ahaan, Waxaanu Jeclaan Lahayn
In Guddoomiye Cirro Ka Muuqdo Munaasibaddii Golaha Deegaanka Sheffield Ugu
Codeynayeen Aqoonsiga Somaliland”. Xildhibaan Bukhaari
Xildhibaan
Saleebaan Cawad Cali (Bukhaari) oo ka mid ah Mudanayaasha Golaha Wakiilada
Somaliland, ayaa ka hadlay Munaasibaddii ay Jaaliyadda Magaalada Sheffield ee
dalka Ingiriisku ugu debaal-dagayeen aqoonsiga Somaliland ee Golaha Deegaanka
Magaaladaasi, taasi oo uu ka maqnaa Guddoomiyaha Golaha Wakiilada, Md. Cabdiraxmaan
Maxamed Cabdilaahi (Cirro) oo wakhtigaasi ku sugnaa London.
Xildhibaan
Bukhaari, waxa uu si gaar ah uga hadlay ka maqnaashiyaha Guddoomiyaha Golaha
Wakiilada ee dhacdadii Sheffield, waxaanu sheegay inay gole ahaan jeclaan
lahaayeen inaan Guddoomiyahoodu ka maqnaan munaasibaddii aqoonsiga Sheffield ay
ugu debaal-dagayeen aqoonsigaa taariikhiga ah.
Xildhibaan
Saleebaan Cawad Cali (Bukhaari), oo ka mid ah Mudanayaasha xisbiga Kulmiye ugu
jira golaha Wakiilada, ayaa Wareysi gaar ah oo uu siiyey Wargeyska
madaxa-banaan ee Somalilandtoday, sidoo kale kaga hadlay muhiimadda uu
Somaliland u leeyahay aqoonsiga golaha deegaanka Sheffield.
Xildhibaan
Bukhaari, oo ugu horeyn ka jawaabaya su’aal laga waydiiyey aragtidiisa la
xidhiidha in Guddoomiyaha Golaha Wakiilada Somaliland, Cabdiraxmaan Maxamed
Cabdilaahi (Cirro) oo lagu casuumay Munaasibaddii Sheffield uu ka
maqnaado, isaga oo ahaa masuulkii ugu sareeyay ee qaranka Somaliland kaga
sugnaa Ingiriiska, ayaa ku jawaabay "Baarlamaan ahaan waxaanu jeclaan
lahayn in Guddoomiyahayagu. Cabdiraxmaan Maxamed Cabdillaahi (Cirro) uu ka
muuqo Munaasibaddii Sheffield ee ay ugu codeynayeen Xildhibaanada Magaaladaasi
aqoonsiga Somaliland”ayuu yidhi, Xildhibaanku waxaanu intaasi ku daray isaga oo
ka hadlaya dareenkiisa ku aadan qadiyadda Golaha deegaanka ee Sheffield
"Dabcan..Sheffield waa magaalo ka mid ah Gobollada waddanka Uk, xigmadda ku
jirta aqoonsiga ay Somaliland Ictiraafeen waxay tahay inay shamac
nooleeya u noqon doonto himillada ugu weyn dalkeena oo ah aqoonsi raadinta,
markay sidaa tahay waxaan halkan marka hore hambalyo uga dirayaa Jaaliyadda iyo
xubnaha dedaalka weyn arrintaas ka muujiyay ee Jaaliyadda Sheffield, waxaan
sidoo kale u soo jeedinayaa qurba-jooga Somaliland inay kaga daydaan ficilka ay
mujiyeen Jaaliyadda reer Sheffield.”
Source: wargeyskasomalilandtoday
"Baarlamaan Ahaan, Waxaanu Jeclaan Lahayn In Guddoomiye Cirro Ka Muuqdo Munaasibaddii Golaha Deegaanka Sheffield Ugu Codeynayeen Aqoonsiga Somaliland". Xildhibaan Bukhaari
Xildhibaan Saleebaan Cawad Cali (Bukhaari) oo ka mid ah Mudanayaasha Golaha Wakiilada Somaliland, ayaa ka hadlay Munaasibaddii ay Jaaliyadda Magaalada Sheffield ee dalka Ingiriisku ugu debaal-dagayeen aqoonsiga Somaliland ee Golaha Deegaanka Magaalad