Wasiirka Madaxtooyada Oo Ka Waramay Kulan Wefti Uu Hoggaaminayaa La Yeesheen Wasiirrada Arrimaha Dibadda Iyo Shaqada Ee Jabuuti
Wasiirka Wasaaradda Madaxtooyada Jamhuuriyada Somaliland Md. Xirsi CalI Xaaji
Xasan oo uu wehelinayo Wasiirka Hawlaha Guud iyo Guryeynta Somaliland,
Cabdirisaaq Khaalif Axmed, ayaa la kulmay Wasiirka Arrimaha Dibeda iyo
Iskaashiga Caalamiga ah ee dalka Jamhuuriyadda Jabuuti, Maxamuud Cali Yuusuf
iyo Wasiirka shaqada iyo Shaqaalaha Arrimaha Bulshada ee dalkaasi, Cabdi Xuseen
Axmed.
Kulankaasi oo ka dhacay xarunta wasaaradda shaqada iyo arrimaha bulshada ee
caasimadda Jabuuti, ayaa markii uu soo dhamaaday waxa saxaafadda uga waramay
isla-markaana faahfaahiyey waxyaabihii lagaga wada hadlay Wasiirka Madaxtooyada
Somaliland, Xirsi Cali Xaaji Xasan, waxaanu sheegay in maadaama oo ay safar
shaqo ku joogaan dalka Jabuuti uu kulankani qayb ka ahaa ujeedada safarkooda
"Safar shaqo ayaanu ku nimid dalka Jabuuti, kaas oo la xidhiidha danaha Somaliland
iyo Jabuuti, waxaanuna maanta (shakay) kulamo la qaadanay Wasiirada Khaarajiga
iyo Wasiirka Shaqada oo aanu ka wada hadalnay xidhiidhka labada
waddan iyo saxiibtinimada ka dhaxaysa si fiicana way noogu dhammaatay..”
Wasiirrada Somaliland ayaa doraad ka dhoofay dalka, waxaana la filayaa inay sii
wadaan kulamada ay la yeelanayaan Madaxda Waddanka Jamhuuriyadda Jabuuti.
Geesta kale, muddooyinkii u dambeeyay waxaa laga dareemayay labada dhinac ee
Somaliland iyo Jabuuti kor u kac ka muuqda dhinaca xidhiidhka, iyadoo waftiyo
tiro badan ay is dhaafsadeen labada dal. Inkasta oo aanay ilaa hadda hirgalin
qorshe ahaa in dawladda Jabuuti ay safaarad ka furato dalka Somaliland,
qorshahaasi oo ay hore uga wada hadleen xukuumaddii Daahir Rayaale Kaahin iyo xukuumadda
Jabuuti ee Madaxwayne Ismaaciil Cumar Geelle, hasa-yeeshee waxa la saadaalin
karaa in dawladda jabuuti wakhtigan ku qanacday inay safaarad ka furato
Hargeysa, maadaama oo xidhiidhka labada xukuumadood aad u sareeyo.
Afkashacabka.com
Djobouti/Office
Contact@afkashacabka.com
Wasiirka Madaxtooyada Oo Ka Waramay Kulan Wefti Uu Hoggaaminayaa La Yeesheen Wasiirrada Arrimaha Dibadda Iyo Shaqada Ee Jabuuti
Wasiirka Wasaaradda Madaxtooyada Somaliland, Md. Xirsi Cali Xaaji Xasan iyo wefti uu hoggaaminayo oo socdaal shaqo ku jooga dalka Jamhuuriyadda Jabuuti, ayaa shalay kulamo la yeeshay masuuliyiin ka mid ah xukuumadda Madaxwayne Ismaaciil Cumar Geelle.