Marxuum Maxamed Saleban Tubeec oo lagu aasay Muqdisho iyo loolankii Aaska marxuumka ee somaliland iyo somalia oo ay ku guuleysatay Somalia
Allaha u naxariistee waxaa maanta barqadii lagu aasay caasimadda Soomaaliya ee Muqdisho fanaankii boqorkii codka Marxuum Maxamed Saleebaan Tubeec.
Fanaanka ayaa waxaa meydkiisa Muqdisho keentay diyaaradda Turkish Air, waxaana la socday meydka marxuumka qaar ka mid ah qaraabadiisa oo uu ku jiray wiilkiisa Mustafe Maxamed saleban.
Aaska marxuumka ayaa waxaa ka qeyb galay madax ka tirsan dowladda somalia oo uu ugu horeeyay R/wasaare C/weli Sh. Axmed, wasiirka warfaafinta Dhuxulow, fanaaniin, abwaano iyo dadweyne kale.
Meydka marxuumka ayaa lagu aasay qabuuraha Iskool Boliisyo ee magaalada Muqdisho,
Aaska marxuumka saaka lagu aasay muqdisho ayaa meesa ka saaray hadal hayn badan iyo isweydiin bulshada somaliland iyo somalia is weydiinaysay maalmahanba , taaso ku saabsanayd halka lagu aasi doono marxuumka, waxana xukuumada somliland dhowaan ay guddi qaban qaabo u saartay aaska marxuumka balse taasi may noqon mid suurta gasha ka dib markii Somalia maroorsatay maydka marxuumka isla markaasna si weyn ugu hawlgashay sidii muqdisho loogu aasi lahaa, iyadoo ay halka lagu aasayo marxuumka xattaa isku khilaafeen marxuumka walaaladii oo ugu horeeyo jamac saleban tubeec iyo wiilasha uu ka tegey marxuumku.
Afkashacabka.com
Muqdisho /Office
Contact@afkashacabka.com
Marxuum Maxamed Saleban Tubeec oo lagu aasay Muqdisho iyo loolankii Aaska marxuumka ee somaliland iyo somalia oo ay ku guuleysatay Somalia
Allaha u naxariistee waxaa maanta barqadii lagu aasay caasimadda Soomaaliya ee Muqdisho fanaankii boqorkii codka Marxuum Maxamed Saleebaan Tubeec.