SOOMAALIYA & Masar Oo Ku Heshiiyey Iskaashi Ah DFhexmaray
Xasan Sheekh Maxamuud, Madaxwaynaha Soomaaliya iyo madaxweynaha Masar, Jen. C/fataax Al-siisi, ayaa maanta kulan ku yeeshay xarunta madaxtooyada dalka Masar ee magaalada Qaahira.
Xasan Shiikh ayaa madaxweynaha Masar uga warbixiyay xaaladaha amniga, siyaasadda, arrimaha bulshada iyo dib-u-dhiska Somalia. Isagoo dowladda iyo shacabka Masar uga mahadceliyay sida ay Somalia isku garab taageen xilliyadii adkaa "Si weyn ayaanu ugu xisaabtameynaa Masarta cusub ee uu hoggaaminayo Jen. Al-Siisi in ay kaalin wanaagsan ka qaadato dadaalka dib loogu dhisayo dalka Soomaaliya,” ayuu yidhi madaxweyne Xasan Sheekh.
Labada Madaxweyne ee Soomaaliya iyo Masar ayaa isku af-garteen inay labadooda dal iska kaashadaan arrimo ay ka mid yihiin waxbarashada, beeraha, tababarka ciidammada kala duwan, dhaqaalaha, dhaqanka iyo arrimaha bulshada.
Dhankiisa, madaxweynaha Masar, C/fataax Al-Sisi ayaa ku dhawaaqay in la dhisi doono guddi labada geesood ah oo howshiisu noqonayso inay isku soo duba-ridaan iskaashiga labada dal dhex mari lahaa.
Masar ayaa intii kulanku socday aqbashay casuumad uu Madaxweynaha Soomaaliya, uu u fidiyay ra’iisal wasaaraha Masar, Ibrahim Mahlab si uu booqasho rasmi ah ugu tago magaalada Muqdisho ee xarunta Soomaaliya.
SOOMAALIYA & Masar Oo Ku Heshiiyey Iskaashi Ah DFhexmaray
Xasan Sheekh Maxamuud, Madaxwaynaha Soomaaliya iyo madaxweynaha Masar, Jen. C/fataax Al-siisi, ayaa maanta kulan ku yeeshay xarunta madaxtooyada dalka Masar ee magaalada Qaahira.