Ma riyaan dhab mooday!!? W/Q: Bashiir Raacdeye
waa qoys nolol ficaan ku nool. caasha;waa asli hooyadeed waxay bare ka tahay dugsiyada sare ee magalada burco.axmed ;waa asli aabbeheed oo ah bare sare oo jaamacadaha dalka wax ka dhiga.
muddo 16
sano ka badan ayaa ka soo wareegtay dayrtii ay dhalatay asli.waxay dhigata
dugsiga sare ee sheikh bashiir ee magaalada burco.asli waa gashaanti, qurux
,dabeecad iyo dhaqan-wanaag rabbi u hibo uga dhigay.
asli kuma
fiicna wax-barashada.niyad iyo xiise midna u hayso
wax-barashada,haseyeeshee,hooyadeed waxay ku riyootaa inay mustaqbalk asli
noqoto gabadh aqoon leh,laakiin asli markasta oo ay maqasho erayadaas kuma ay
farxijirin!.
Asli waxay
aad u jeclayd inay dalka ka dhoofto,taas ayaa ahayd himilada iyo yoolka
nolosheed.
asli
waalidiinteenteed markay ka warheleen xaaladda inantooda.waxay sameeyeen
waxkasta oo ay ku dhoofin karaan nasiib xumo se kumay guulaysan asli inay
maruun ka dhoofto dalka.5 sano ayay ku qaadatay siday asli u raadinaysay dhoof. Hanti badan ayay asli hooyadeed ku bixisay
sidii ay u dhoofin lahayd inanteeda asli.
Markay asli
ogaaday in wadda kasta oo ay u mari lahayd dhoof ay soo xidhan-tay. nayad-jab
iyo werwer, isku buuq iyo rajo la’aan ayaa wehel u noqday asli.rag badan ayaa guur u soo
bandhigay asli, haseyeeshe, dheg-jalaq umaysiin waayo dhoof ayay waxkasta ka
jeceshahay!.
Hooyadeed
caashi waxay ka werweraysaa oo ay is waydiinaysaa " goorma ayay tahriibi asli oo libaax-badeedku ku quraacan!?”.laakiin
asli weli dhoofkii ayay ku adag tahay.guur iyo shaqo midna ugu ma jiro qorshaha .hooyadeedna waxa
dhakafaar ku riday;asli oo wakhtigan gabadh weyn ah welina gashaanti ah!.
Maalin
maalmaha ka mid ayaa asli loo soo bandhigay inay guursato wiil dalka debedisa ka yimi oo ay qaraabo qansax
yihiin,asli way ogolaatay guurka wilkaas iyadoo ka rajaynaysa inuu noqon doono
waddo ay u marto dalka debediisa.sidaas ayaa meherkii iyo arooskii ku dhammaday
iyadoo laba qoys ay diyaariyeen waxkasta.
Bil ka dib
arooskii asli.waxkasta way is-bedeleen.riyaadii ay jeclayd way sii
adkaatay.guurkii iyo wiilki qurbajooga ahaa ee dhoofka ay rajaynaysay waji cusub ayuu la soo baxay.hebeenkii 1;00 AM
ayuu guriga yimaadda isagoo sarkhaansan.marmarka qaar nafteeda ayuu khatar
geliyaa.haddii ay la hadasho gacan ka hadal ayuu ugu jawaaba.murugo iyo oohin
ayay asli miciinbiday marka ay keligeed tahay.qoyskeedu markay waxka waydiiyaan
ninkeeda iyo sida uula dhaqmo ,waxay ku jawaabtaa " waa nin wanaagasan!”.waxay haddana ku tidhaada nafteeda,"maxaad naftaada beenta ugu sheegaysaa? mar haddii aan dhoof ka doonayo dhiba ma leh waxaaso oo dhib ah ee
naftayda soo gaadhayaa !”.
9
bilood ayaa ka soo wareegtay
arooskii asli. Hadda waa xaamilo. Waxay
se umushay wiil laakin bil ka dib waa uu
geeriyooday ilmihii.
habeenka
mid ah habeenada ayuu saygeed
xilli-dambe soo galay guriga isagoo sarkhaansan,markay albaabka ka furtayna
quraarad ayuu madaxa kaga dhuftay iyana
baroor ayay cuskatay. inyar ka dib dariskii ayaa soo kacay oo asli dhakhtarka
ula cararay.halkaas ayaa beryo lagu dabiibay.markii ay ladnaatay waxa asli
qoyskeedi ka fureen ninkii ay guursatay .sidaas ayay garoob ama carmal ku noqotay!.
Mar la
waydiiyay asli .maxaad u dayacday wiilashii ku soo sheeko tegi jiray ee
wanaagsana.waxay ku jawaabtay " riyaan
dhab moodi jiray!!”.
markasto oo
ay asli dib u xasuusato nolosheedi hore
iyo dhoof jacaylkeedi,waxay ku calaacali jirtay " ma riyaan dhab mooday!?”….
Qalinkii ; bashiir racdeeye
burco,somaliland
raacdeeye.1@gmail.com
Ma riyaan dhab mooday!!? W/Q: Bashiir Raacdeye
Waxay dhalatay daray barwaaqo ah.waxa loogu wanqalay asli.waxa ku curtay lammaane aqoon iyo garasho lagu majeerto oo laga jecel yahay magalada burco .