uu sheegay inay soo wajahday deegaanka uu maayirka ka yahay iyo tuulooyinka hoos yimaadda

Maayirka oo isaga oo ku sugan Gar-adag khadka telefoonka kula soo xidhiidhay Shabakadda caalmiga ah ee Somalilandtoday ayaa sheegay in deegaanadaa ay soo food saartay biyo yaraan baahsan, waxaana uu sidoo kale sheegay in deegaanada qaar ay ka jirto cunno yari. Faarax Aadan Ciise oo arrintaas ka hadlayaana waxa uu yidhi”Walaal deegaanka waxaa ka jira abaaro biyo la’aan ah oo soo food saartay, tuulooyinka ayaa aad ugu sii daran meelaha qaar cuuno yar ayaa ka jirta, abaartuna waxay saamaysa dad iyo duunyaba”  Maayirka ayaa isagoo ka hadlaya deegaanada ugu ba’an ee abaartu ka taagan tahay waxa uu yidhi”deegaanada abaartu ay saamaysay waxaa ka mid tuurarka, cadaad, docolaha, goof badhcad, libaax , iyo qaar kale”.
Ugu dambayn Maayirka ayaa baaq u diray xukuumadda Somaliland iyo hay’adaha caalimga ah waxaana uu ka codsaday in ciddii dadkan wax u qaban karaysaa ay gargaar la soo gaadho waxaan uu yidhi” waxaan baaq u diraya xukuumadda , hay’adaha caalamiga ah iyo cid kasta oo arrintan gacan ka gaysan karta”.