Hogaamiyaha Xisbiga WADDANI Xirsi Cali Xaaji Xasan Oo Xukuumadda Ku Eedeeyey In Ay Ka Gubato Dhaliisha Iyo Eedahay Leedahay
Hogaamiyaha Xisbiga WADDANI Xirsi Cali Xaaji Xasan Oo
Xukuumadda Ku Eedeeyey In Ay Ka Gubato Dhaliisha Iyo Eedahay
Leedahay Hogaamiyaha Xisbiga Mucaaridka ah ee WADDANI Md.
Xirsi Cali Xaaji Xasan ayaa sheegay in xukuumadda maanta joogtaa leedahay dhaliilo badan oo culus
axsaabta mucaaridkana masuuliyadoodu tahay in ay daba galaan oo dhaliishooda baahiyaan balse loo
baahan yahay in aanay xukuumaddu dhaliilaha ka guban ee ay wixii loo igmaday ay umadda u qabato.
Hogaamiye Xirsi Cali Xaaji Xasan, Hogaamiyaha Xisbiga Mucaaridka ah ee WADDANI oo hadal ka
jeediyey dhagax dhigga jidka Burco, oodweyne illaa Hargeysa oo shalay la qabtay ayaa waxa uu sheegay in
xukuumadda iyo hadba ciddii talada dalka joogta ay masuuliyadoodu tahay in ay umadda u adeegaan iyada
oo loo baahan yahay buu yidhi in ay ogaadaan in aanay waxan ay qabanayaan iyagu iska lahayn sidoo
kalena aanay ahayn abaal ay cid u galayaan ee ay tahay wixii loo doortay halka uu sidoo kale Hogaamiye
Xirsi hoosta ka xariiqay in ay ka xisbi ahaan wixii waajibkooda ah ka gudanayaan mashaariicda
horumarineed ee qaranku u baahan yahay.
Hogaamiyaha Xisbiga Mucaaridka ah ee WADDANI Md. Xirsi Cali Xaaji Xasan oo arrimahaasi ka
hadlayaa waxa uu yidhi: "Jidka Oodweyne-Burco ma aha mid bilow ah oo ay xukuumadda hadda joogtaa
bilaabayso ee waxa uu ahaa mashruuc hore loo bilaabay oo muddo soo socday. Wasiir Siciid Sulub ayaa
xukuumaddii hore ee Rayaale seerfayga iyo bannaynta sammeeyey. Markii aannu annagu joognayna
waxaan filayaa in kaliya 23km ay ka hadhsanaayeen carro dhigidda Jidka Oodweyne illaa Burco. Markaa
xukuumaddan imika waxaan leeyahay waar abaal aad cid u galaysaan maaha ee waa waajib idin saarnaa in
aad qabataan. Imika oo aad afar sano joogtaan ayaad bilawdeene waxa ay ahayd in aad sannadkii koowaad
bilowdaan. Shaqada waynu kala leenahay annaguna jeedal baannu idinla daba joognaa. Idinna xilka ayaad
haysaan oo maalinba nin baa xilka jooga. Maalinba ninbaa qaranka masuuliyadda u jooga annana waxaanu
idinla daba taaganahay jeedalka. Ninka maalintaasi qaranka u joogaa maaha wax uu isagu leeyahaye waxa
loo igmaday in uu isagu xilka umadda u qabto oo u adeego. Waxaa uu umadda ka qaadayna ugu adeego oo
ku celiyo. Ninka xilka u hayaa waa adeege Bulsho. Ninka mucaaridka ah shaqada u taallaa waa in uu
ninkan xilka haya daba galo oo dhaliishiisa oo dhan bannaanka keeno oo jeedal la daba galo. Waa inuu ku
dhangadeeyo oo uu yidhaa tan muu qaban, tan wuu ka tagay. Tanuu qalday waar shaqada waynu kala
leenahee xejista. Annagu waliba aad idiinkumannaan xejine waxaan arkayaa in marka aannu diin soo
qaadno aad gubanaysaan. Hawshan jidku waah awl qaran oo ijtimaaci ah mana doonayo in aan
siyaasadeeyee waxaan kaga tagayaa wixii cusub iyo waxqabadka iyo horumarka waa la soo dhaweeyaayoo
wax alla waxa dhinacayaga suurtogal ahna waan taageeraynaa. Wixii laga tagona tilmaanteedu waa marka
dambe ee la shaqeeyo”.
"Waxaan umadda deegaamadan ugu baaqayaa in ay si weyn uga qayb qaataan dhaqaalaha jidadka ku
baxaya oo ay xukuumaddan u dhiibaan wixii ay u dhiibi karayaan. Annaga wakhtigayagii wixii ay ballan
qaadeen nama soo gaadhine bal imika wixii aad bixin karaysaan bixiya”. Ayuu yidhi Hogaamiyaha Xisbiga Mucaaridka ah ee WADDANI Md. Xirsi Cali Xaaji Xasan.
Hogaamiyaha Xisbiga WADDANI Xirsi Cali Xaaji Xasan Oo Xukuumadda Ku Eedeeyey In Ay Ka Gubato Dhaliisha Iyo Eedahay Leedahay
Hogaamiyaha Xisbiga WADDANI Xirsi Cali Xaaji Xasan Oo Xukuumadda Ku Eedeeyey In Ay Ka Gubato Dhaliisha Iyo Eedahay Leedahay